Matilde Fernández

Matilde Fernández Sanz (24 de xineru de 1950, Madrid) ye una política española miembru del Partíu Socialista Obreru Español.

Matilde Fernández
diputada d'España 20 marzu 1996 - 18 xineru 2000 Distritu: Cantabria Eleiciones: eleiciones xenerales d'España de 1996 sustituto en la Asamblea Parlamentaria del Consejo de Europa (es) 30 xineru 1995 - 1r xunu 1996 diputada d'España 25 xunu 1993 - 9 xineru 1996 Distritu: Cantabria Eleiciones: eleiciones xenerales d'España de 1993 diputada d'España 13 payares 1989 - 13 abril 1993 Distritu: Cantabria Eleiciones: eleiciones xenerales d'España de 1989 conceyala del Conceyu de Madrid diputada na Asamblea de Madrid senadora d'España
Vida
Nacimientu	Madrid, 24 de xineru de 1950[1] (75 años)
Nacionalidá	España
Estudios
Estudios	Universidá Complutense de Madrid
Llingües falaes	castellanu
Oficiu
Oficiu	política, sindicalista
Participante Manifiesto por una política migratoria y de asilo propia de una sociedad democrática avanzada (es) En defensa del reinado de Juan Carlos I (es)
Llugares de trabayu	Madrid
Premios	ver Gran Cruz de la Orde de Carlos III  (1993) [2]
Miembru de	Unión Xeneral de Trabayadores Aconceyamientu Parllamentariu del Conseyu d'Europa Orde Masónica Mesta Internacional Le Droit Humain - El Derechu Humanu
Creencies
Partíu políticu	Partíu Socialista Obreru Español de la Comunidá de Madrid Partíu Socialista Obreru Español
IMDb	nm3039233

Biografía

Nacida'l 24 de xineru de 1950 en Madrid,^[3] ye llicenciada en Filosofía y Lletres (Psicoloxía) pola Universidá Complutense de Madrid, ingresó nel Partíu Socialista Obreru Español en 1973, y en UXT un añu antes. Na clandestinidá a la dictadura franquista, desenvolvió la mayor parte del so trabayu nel ámbitu sindical, aportando a secretaria xeneral de la Federación Estatal d'Industries Químiques y Enerxétiques d'UXT dende la so llegalización en 1977 hasta 1988.

Foi diputada al Congresu por Cantabria mientres cuatro legislatura, de 1989 a 2000, siendo nomada ministra d'Asuntos Sociales nel gobiernu de Felipe González ente 1988 y 1993. Ente 1984 y 1997 formó parte de la Comisión Executiva Federal del PSOE, calteniendo dende 1984 el so puestu como integrante del Comité Federal. Tamién foi presidenta del Partíu Socialista de Cantabria-PSOE.^[4]

Dempués d'abandonar el gobiernu, foi escoyida nes llistes del PSOE como conceyal nel Conceyu de Madrid (1999-2003).

El 22 de xunetu de 2000 presentóse como candidata a la secretaría xeneral del PSOE, xunto a José Bono, Rosa Díez y José Luis Rodríguez Zapatero, que finalmente sería escoyíu. Matilde Fernández quedó en tercer posición como representante del sector conocíu entós como "guerrista". Sofitó a Tomás Gómez nes primaries de 2010 nel PSM.

Foi representante nel Conseyu d'Europa y vicepresidenta de la Internacional Socialista de Muyeres. Anguaño ye diputada de l'Asamblea de Madrid.

Ye masona, miembru de la Federación Española de la Orde Masónica Mista Internacional Le Droit Humain-El Derechu Humanu. El 8 de marzu de 2014, Día Internacional de la Muyer, apaeció públicamente xunto a otru masones vistiendo colos rituales propios de la orde pa defender que «la masonería defende les causes de progresu, como los derechos de la muyer».^[5]

Cargos desempeñaos

• Ministra d'Asuntos Sociales. (1988-1993)
• Diputada per Cantabria nel Congresu de los Diputaos (1989-2000).
• Conceyal nel Conceyu de Madrid. (1999-2003)
• Diputada na Asamblea de Madrid. (Dende 2003)
• Voceru del PSOE na Asamblea de Madrid. (2007)
• Senadora designada pola Asamblea de Madrid. (2008-2011)