Galaxa espiral M106

La Galaxa espiral M106 (tamién conocida como Messier 106, M106 o NGC 4258) ye una galaxa espiral na constelación de Canes Venatici. Afayóse por Pierre Méchain en 1781.

Messier 106
Datos d'observación (dómina J2000.0)
Tipu	Sb o Sc
Ascensión reuta	12,0h 19,0m
Declinación	+47° 18′
Distancia	25 millones al
Magnitú aparente (V)	+8,4
Tamañu aparente (V)	19,0 × 8,0 minuto d'arcu
Constelación	Canes Venatici
Carauterístiques físiques
Magnitú absoluta	-
Radiu	- al
Otres carauterístiques
Nenguna
Otres designaciones
M106, NGC 4258
[editar datos en Wikidata]

M106 ye una galaxa espiral xigante con un diámetru y lluminosidá comparables a los de M 31 y alcuéntrase a una distancia ente 21 y 25 millones d'años lluz de la Tierra. Tamién ye una galaxa Seyfert, yá que por cuenta de la emisión de rayos X detectada, abarrúntase que parte de la galaxa ta cayendo nun furacu prietu supermasivo central.

M106 foi estudiada na banda de rayos X por aciu el telescopiu Chandra, asina cómo na rexón de les ondes de radio. Dichos estudios amuesen un par de brazos espirales extra ensin alliniar colos brazos espirales visibles nes imáxenes tomaes nel ópticu y que paecen tar fechos de material calecíu por ondes de choque y espulsaos del nucleu galácticu.

Ver tamién

• Grupu M106
• NGC 4248
• NGC 4618
• NGC 4485 y NGC 4490