Galaxa lenticular M85
From Wikipedia, the free encyclopedia
Remove ads
Messier 85 (tamién conocíu como M85 o NGC 4382) ye una galaxa lenticular, anque estudios bien recién amuesen qu'en realidá puede ser una galaxa elíptica,[2] na constelación Coma Berenices. Afayóse por Pierre Méchain en 1781. Ye l'estremu más al norte del cúmulu de Virgu descubiertu hasta 2004[ensin referencies].
Ésta galaxa caracterízase amás de pol so gran probeza en hidróxenu neutro y pola so complexa estructura -que se suxirió foi causada por una fusión con otra galaxa acaecida hai ente 4 mil millones d'años y 7 mil millones d'años- pola presencia d'una población estelar relativamente nueva comparada cola edá de la mayoría del restu de les sos estrelles (<3 mil millones d'años d'edá) nel so centru, dispuestes dalgunes d'elles nun aniellu alredor d'ésti, -seique productu d'un biltu estelar tardíu-, y finalmente por formar un grupu con delles galaxes vecines ente les que destaca la galaxa espiral barrada NGC 4394[4][5]
M85 paez tener un furacu prietu supermasivo nel so centru con una masa envalorada n'aprosimao 100 millones de mases solares.[6]
La supernova tipu I, 1960R afayóse nel M85 el 20 d'avientu de 1960 y algamó una magnitú aparente de 11,7.
El 7 de xineru de 2006 apaeció nésta galaxa un rellumu de lluz (M85 OT2006-1) de carauterístiques peculiares que llegó a algamar una magnitú aparente de 13 y que foi conocíu cómo nova lluminosa colorada. Desconozse'l so orixe, pero delles teoríes apunten a un choque ente dos estrelles cómo la causa más probable y/o que ye un oxetu similar a V838 Monocerotis, pero producíu por una estrella de baxa masa.[7][8]
Remove ads
Enllaces esternos
Referencies
Wikiwand - on
Seamless Wikipedia browsing. On steroids.
Remove ads