Morfina

La Morfina foi nomada d'esta miente n'honor a Morféu, el dios griegu de los suaños.

Alvertencia: Wikipedia nun ye un consultoriu médicu nin farmacolóxicu. Si pienses que necesites ayuda, por favor, fala con una persona profesional de la salú.

Estructura
Cadarma de la morfina
Carauterístiques
Nome	Morfina
Fórmula molecular	C17H19NO3
Familia	Opioides, Analxésicos
Códigu CAS	57-27-2

Conocida dende 1688 col nome d'opiu Papaver somniferum, nun foi hasta 1804 cuando de Rosne aislló la morfina, llamándola dende entós, en Francia, Sales de Rosne.

La morfina de primeres alministrábase per vía oral, y más tarde llevantando la dermis y depositando la dosis necesaria. Finalmente adquirió gran popularidá, gracies a la invención de la xeringa de Prava y sobre manera pol so usu masivu por parte de los militares na guerra de 1870. A partir de 1952 la síntesis química y de derivaos morfínicos ye posible.

Anguaño la morfina sigue siendo l'analxésicu clásicu más eficaz p'aliviar los dolores agudos, pero'l so usu va amenorgando a midida qu'apaecen nueves drogues sintétiques, que se suponen son menos adictives y permiten que persones alléxiques a la morfina puean aliviar los sos dolores.