NGC 2392
From Wikipedia, the free encyclopedia
Remove ads
NGC 2392 ye una nebulosa planetaria na constelación de Xéminis. Pola so interesada apariencia, que recuerda a la cara d'una persona arrodiada por un capiellu, recibe tamién los nomes de nebulosa Esquimal. Alcuéntrase, según autores, a unos 3.000 o 5.000 años lluz de distancia de la Tierra.
La edá de NGC 2392 envalórase nunos 10.000 años, y ta compuesta por dos lóbulos elípticos de materia saliendo de la estrella morrebunda. Dende la nuesa perspeutiva, unos de los lóbulos ta delantre del otru.
Créese que la forma de la nebulosa débese a un aniellu de material trupo alredor del ecuador de la estrella espulsáu mientres la fase de xigante colorada. Esti material trupo ye abasnáu a una velocidá de 115.000 km/h, torgando que'l vientu estelar, que tien una velocidá enforma mayor, emburrie la materia a lo llargo del ecuador. Otra manera, esti vientu de gran velocidá (1,5 millones de km/h) barre material percima y debaxo de la estrella, formando burbuyes allargaes. Estes burbuyes, de 1 añu lluz de llargor y la metá d'anchor, tienen filamentos de materia más trupo. Sicasí, les llinies que van de dientro a fuera nel aniellu esterior (nel capiellu) nun tienen inda esplicación, magar el so orixe puede debese al choque ente gases de baxa y alta velocidá.
Afayóse por William Herschel el 17 de xineru de 1787.
Remove ads
Más información
Tamién se denomina como: Nebulosa Cara de Payasu .
Esta colorida nebulosa afayóse en 1787 pol astrónomu británicu sir William Herschel. Nel añu 2000, el telescopiu espacial Hubble tomó una fotografía de la nebulosa que la fixo famosa en tol mundu. La imaxe revela con un detalle un reborde d'apariencia peluda, como'l capiellu d'un esquimal o innuit.
Observación
Magar ye abondo brillosu (magnitú +8,3), pa reparar dalgún detalle precisa un telescopiu grande con bon aumentu, y probablemente un filtru nebular. De toes formes, nun puede reparase la cara, que namái ye visible por aciu fotografíes d'eleváu resolución tomaes con aparatos de gran tamañu.
Ver tamién
Referencies
Enllaces esternos
Wikiwand - on
Seamless Wikipedia browsing. On steroids.
Remove ads