El Natahoyo

El Natahoyo^[1] (tamién recoyío como El Nataoyo o El Lataoyo^[2]) ye un barriu del conceyu asturianu de Xixón, asitiáu na zona oeste de la ciudá. Cuenta con más de 20.000 habitantes. Tien trés colexos públicos (Lloréu, Santa Olaya y Atalía). Cuenta amás con una Escuela de Segundu Ciclu d'Educación Infantil llamada EEI Miguel Hernández y una Escuela d'Educación Infantil de Primer Ciclu d'Educació Infantil, EEI Atalía. El so allugamientu ye afayadizu ya que na so redolada alcuéntrase la Playa de Poniente y la de L'Arbeyal (nel barriu próximu de La Calzada), l'Acuariu y el balneariu de Talasoponiente.

El Natahoyo
Alministración
País	España
Autonomía	Principáu d'Asturies
Provincia	provincia d'Asturies
Conceyu	Xixón
Tipu d'entidá	barriu
Xeografía
Coordenaes	43°32′25″N 5°40′56″W
El Natahoyo El Natahoyo (Asturies)

Sede de l'Asociación de Vecinos «Villa Ataulio», ún de los edificios más vieyos del barriu

La zona de Moreda, poseye una grande instalación deportiva y un institutu d'educación secundaria llamáu I.E.S. Emilio Alarcos, amás d'una pista de patinaxe conocida a nivel mundial por ser una de les instalaciones del Campeonatu Mundial nel añu 2008.^[3] El barriu de La Calzada alcuéntrase adegañu, nel qu'atopamos el centru comercial de Carrefour y delles sales de cine, llamáu Ocimax.