Novocherkask
From Wikipedia, the free encyclopedia
Remove ads
Novocherkask (rusu: Новочеркасск) ye una ciudá del óblast de Rostov, en Rusia, antigua capital de los cosacos del Don. Ta asitiada na vera derecha de los ríos Tuzlov y Aksái, a 35 km al nordeste de Rostov del Don. La so población yera de 176.699 habitantes en 2010.
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Remove ads
Historia
Novocherkask foi fundada en 1805 como centru alministrativu del óblast del Voysko del Don. Hasta entós, los habitantes de la stanitsa Cherkask teníen d'abandonar les sos tierres nel momentu de les crecíes, polo que la creación de la ciudá dexó encauzar los ríos, lo que protexó a la ciudá de los hinchentes.
Mientres la guerra civil rusa, Novocherkask foi'l corazón de les fuercies contrarrevolucionarias del Don. El Exércitu Coloráu acabó tomando la ciudá'l 7 de xineru de 1920. Mientres la Segunda Guerra Mundial, la ciudá foi ocupada pola Alemaña Nazi dende'l 24 de xunetu de 1942 al 13 de febreru de 1943.
El 2 de xunu de 1962 españó una fuelga na fábrica de llocomotores llétriques NEVZ contra los aumentos del preciu de los alimentos y les normes de trabayu. Les autoridaes comunistes llocales reprimieron estes manifestaciones sangrientamente. Esti acontecimientu ye conocíu como la masacre de Novocherkask.
Novocherkask foi por un curtiu periodu sede episcopal de la Ilesia ortodoxa griega. La ciudá cunta cola catedral de l'Ascensión de 1904, el palaciu de los atamanes del Don y monumentos dedicaos a Matvéi Plátov y a Yermak Timoféyevich.
Remove ads
Demografía
| 1811 | 1840 | 1897 | 1914 | 1926 | 1939 |
|---|---|---|---|---|---|
| 6 700 | 17 600 | 52 000 | 69 100 | 56 600 | 75 900 |
| 1959 | 1970 | 1979 | 1989 | 2002 | 2008 |
| 123 000 | 162 000 | 183 100 | 187 973 | 170 822 | 177 000 |
Industria
La compañía industrial más importante de Novocherkask ye la fábrica de llocomotores más grande de Rusia, NEVZ (НЭВЗ) qu'emplega a 9.900 trabayadores, produciendo añalmente 260 llocomotores de distintu tipu, llétriques y diésel-llétriques. Otra compañía industrial importante produz electrodos de grafitu. Per otru llau, Novocherkask cuenta con una refinería, delles empreses de moblame y delles agroalimentaries (gran fábrica de quesos y destilería de vodca).
Ciudaes hermaniaes
Iserlohn, Alemaña (1990).
La Valette, Francia.
Kronstadt, Alemaña.-
Simferópol, República de Crimea. 
Sremski Karlovci, Serbia.
Galería
Ilesia de Novocherkask.
Teatru dramáticu.
Universidá Téunica Estatal del Sur de Rusia.
Muséu cosacu.
Palaciu de los atamanes.
Fábrica electrotéunica.
Catedral de Novocherkask.
Estación de ferrocarril.
Referencies
Enllaces esternos y referencies
Wikiwand - on
Seamless Wikipedia browsing. On steroids.
Remove ads