Borrina

La borrina (tamién conocida como borrín, niebla, nubla, nublaceru, nublina o nublu) ye una masa de vapor d'agua en condensación allugada cerca la superficie de la tierra. Ye ún de los fenómenos que más afeuta a la movilidá.

Borrina

Falamos de borrina cuando esta ñube ta formada pola mor d'una presión atmosférica relativamente alta, con mugor ambiental y ensin vientu. Estos tres factores faen que l'apaición y persistencia de la borrina seya más acusao n'estayes planes y fondes. Estos llugares tan davezu ocupaos por ríos y banzaos que bastien el mugor afayaízu pa la so formación. Dase en toles estaciones del añu, pero sobro too, n'iviernu.

Los principales efeutos de la borrina son:

• Estabiliza la temperatura ambiente en niveles baxos, inclusive per baxo los 0 °C.
• Dificulta el columbramientu d'oxetos, amenorgando la visión a ocho o diez metros, y menos dalgunes vegaes.
• Incrementa los efeutos negativos de la contaminación atmosférica, pola entreseca de ventilación.
• Aumenta enforma la sensación de cutu.