Nueves Xeneraciones del Partíu Popular

Les Nueves Xeneraciones del Partíu Popular (NNXX) —oficialmente Nueva Generaciones del Partido Popular (NNGG)— ye la organización moza del Partíu Popular, tien un calter lliberal y conservador, y el so actual presidente ye Diego Gago, qu'anguaño ye diputáu nel Congresu de los Diputaos.

Nueves Xeneraciones del Partíu Popular
Nuevas Generaciones del Partido Popular
Acrónimu	NNGG (NNXX n'asturianu)
Presidente	Diego Gago
Secretaría xeneral	Reyes Fernández
Fundación	20 de xineru de 1989
Xuníu a	Partíu Popular
Sede	Madrid
Estáu	España
Ideoloxía política	Lliberalismu, conservadorismu y europeísmu
Posición nel espectru	Centrodrecha
Páxina web	nngg.org

Historia

Nuevas Generaciones (Nueves Xeneraciones) ñació como Nuevas Generaciones d'Alianza Popular (Nueves Xeneraciones d'Alianza Popular) en 1977 (AP ñaciera en 1976). Promovíes pol entós Secretariu d'Organización d'Alianza Popular, Jorge Verstrynge, la so impulsora foi Loyola de Palacio. Foi'l mesmu Verstrynge quien escoyó esi nome frente a Manuel Fraga que prefería Juventudes de Alianza Popular (Mocedaes d'Alianza Popular). Pal politólogu esi nome recordaba a les Mocedaes d'Aición Popular (XAP) de la Segunda República, d'enclín autoritariu. Escoyó esi nome basándose nuna organización xuvenil francesa gaullista. La so primer Asamblea Nacional celebróse los díes 17 y 18 d'abril de dicho añu, siendo escoyida Loyola de Palacio primera Secretaria Xeneral. A partir del II Congresu, tolos máximos dirixentes de la organización pasaron a denominase Presidentes Nacionales. Mientres el XII Congresu Nacional, celebráu en Toledo en setiembre de 2006, hubo un homenaxe a Loyola de Palacio denominándola estatutariamente como Secretaria Xeneral Fundadora de NNXX.

Clausura Convención Rexonal de NNXX de la Comunidá Valenciana.

En 1989, cola refundación d'Alianza Popular y el so tresformamientu nel actual Partíu Popular, les mocedaes tamién se refundaron adoptando'l nome de Nueves Xeneraciones del Partíu Popular. El 13 de xunetu de 1997 sería asesináu por ETA'l miembru de les Nueves Xeneraciones del País Vascu Miguel Ángel Blanco Garrido, conceyal de la llocalidá bizkaína d'Ermua.

Convención de NNXX n'Alcoi en 2013. Na semeya Eva Ortiz Vilella y Juan Carlos Caballero Montañés.

Presidentes

• Loyola de Palacio (1977-1978)
• Marta Pastor
• Alejandro Martín Carrero
• Antonio Martín Beaumont (1979-1984)
• Gonzalo Robles Orozco
• Rafael Hernando Fraile (1987-1990)
• Tomás Burgos Gallego (1990-1993)
• Pedro Calvo Poch (1993-1997)
• Juan Manuel Moreno Bonilla (1997-2001)
• Carmen Fúnez de Gregorio (2001-2006)
• Nacho Uriarte (2006-2011)
• Beatriz Jurado Fernández de Córdoba (2011-2017)
• Diego Gago (2017-2021)
• Beatriz Álvarez Fanjul (2021-)