Onda electromagnética

Una onda electromagnética ye la forma de propagación de la radiación electromagnética a traviés del espaciu, y los sos aspeutos teóricos tán rellacionados cola solución en forma d'onda qu'almiten les ecuaciones de Maxwell. A desemeyanza de les ondes mecániques, les ondes electromagnétiques nun necesiten d'un mediu material pa propagase.

Onda electromagnética
Onda y radiación electromagnético

Les ondes electromagnétiques son tresversales, nelles la direición de los campos llétricu y magnéticu son perpendiculares a la direición de propagación.

Procesu de propagación

Un campu llétricu que varia nel tiempu, producirá una corriente de desplazamientu que, según la llei d'Ampère-Maxwell, será fonte d'un campu magnéticu. Al empar, ésti últimu, al ser variante, producirá un campu llétricu, d'acordies a la Llei de Faraday. D'esta miente, dambos campos sofítense ún al otru. ESti procesu de propagación foi teorizáu por James Clerk Maxwell en 1865, y en 1885 Heinrich Rudolf Hertz detectó esperimentalmente les ondes electromagnétiques.

Ecuación d'ondes

Nún mediu isotrópicu, homoxéneu y constante; simbolizando la conductividá con σ, el campu llétricu con ${\displaystyle \mathbf {E} \,}$ y el magnéticu con ${\displaystyle \mathbf {B} \,}$:

${\displaystyle (\nabla ^{2}-{\frac {1}{c^{2}}}{\frac {\partial ^{2}}{\partial t^{2}}}-\mu \sigma {\frac {\partial }{\partial t}}-\operatorname {div} \,\operatorname {grad} )\mathbf {E} =0}$

${\displaystyle (\nabla ^{2}-{\frac {1}{c^{2}}}{\frac {\partial ^{2}}{\partial t^{2}}}-\mu \sigma {\frac {\partial }{\partial t}})\mathbf {B} =0}$

Les ecuaciones anteriores describen una onda con factores d'atenuación dependientes de σ que se propaga a una velocidá ${\displaystyle c=1/{\sqrt {\epsilon \mu }}}$. Cuando la onda se propaga nel vacíu σ = 0 y la ecuación se reduz a la ecuación d'ondes común:

${\displaystyle \nabla ^{2}\mathbf {E} -{\frac {1}{c^{2}}}{\frac {\partial ^{2}\mathbf {E} }{\partial t^{2}}}=0}$

${\displaystyle \nabla ^{2}\mathbf {B} -{\frac {1}{c^{2}}}{\frac {\partial ^{2}\mathbf {B} }{\partial t^{2}}}=0}$

Ver tamién

• Radiación electromagnética