Operación Ivy

La Operación Ivy^{[nota 1]} foi la octava serie de pruebes nucleares, compuesta por un par de poderoses bombes atómiques españaes per Estaos Xuníos a fines de 1952. Les pruebes lleváronse a cabu nel atolón Enewetak, nes Islles Márxal.

Operación Ivy
serie de pruebas nucleares (es)

 

Detonación de la Bomba termonuclear "Ivy Mike".

Foi precedida pola operación Tumbler-Snapper y foi asocedida pola operación Upshot-Knothole.^[1]

Foi una de les operaciones nucleares más polémiques d'esa dómina, tomando en cuenta que se taba na Guerra Fría, y les series de pruebes realizaes n'años anteriores (sacante Trinity) fueren bien pocu conocíes y de pocu poder.

Los dos pruebes españaes na operación Ivy fueron Ivy Mike, la primer bomba H de la historia, ya Ivy King, el dispositivu más grande qu'usara única y puramente el procesu de fisión nuclear.^[2]

El rendimientu final de Ivy Mike algamó los 10.4 megatones, pero envalorose que'l 77 per cientu provino de la carcasa d'uraniu, al traviés d'un procesu de fisión rápida. La nube de Ivy Mike desenvolvióse a un altor de 41 kilómetros, y fizo un cráter de 1,9 kilómetros de diámetru, con 50 metros de fondura.

El pesu total del dispositivu superaba les 74 tonelaes métriques, y la so configuración yera percomplexa (principalmente pol sistema criogénicu que precisaba el deuteriu líquidu que sirvía de combustible pa la segunda fase).^[3]

Detonaciones de la Operación Ivy

Llamátigu de la prueba	Fecha de detonación	Llugar	Rendimientu	Datos de relevancia
Ivy Mike	31 d'ochobre de 1952	(la esplosión termonuclear implicó la so vaporización absoluta), atolón Enewetak (Islles Márxal)	10,4 megatones (10 400 quilotones)	primer bomba d'hidróxenu de la Historia.
Ivy King	16 de payares de 1952, 23:30 UTC	Islla Runit, Atolón Enewetak,	0,500 megatones (500 quilotones)	Bomba de fisión más grande de la Historia.

Ivy Mike

Artículu principal: Ivy Mike

Ivy Mike foi la primer bomba termonuclear. Fíxose españar nel castru Elugelab, nel atolón Enewetak, el día 31 d'ochobre de 1952 a les 19:15 del 31 d'ochobre (hora de Greenwich) o a les 7:15 del 1 de payares de 1952 (hora local). La enorme esplosión desintegró el castru y el fungu atómicu algamó la estratósfera.

Ivy King

Ivy King foi la más grande bomba de fisión de la historia. Fíxose españar el 16 de payares de 1952 a les 11:30 de la mañana (hora local) o a les 23:30 (hora mundial). La so detonación fízose nel aire, depués de ser llanzada por un bombarderu B-36H.

Bibliografía

• Chuck Hansen: U. S. nuclear weapons: the secret history. Arlington: AeroFax, 1988.

Notes

1. La palabra inglesa ivy significa yedra