Organización pa la Cooperación Islámica

La Organización pa la Cooperación Islámica (árabe:منظمة التعاون الاسلامي; francés: Organisation de la Coopération Islamique; inglés: Organisation of Islamic Cooperation) ye un organismu internacional qu'axunta a los estaos de confesión musulmana, que foi creáu en 1969 demientres la Conferencia de Rabat y formalizada dos años depués. La so sede ta en Yeda (Arabia Saudita). Los sos miembros son 57 y inclúin a la representación de Palestina al traviés de l'Autoridá Nacional. El 28 de xunu de 2011 oficializóse'l cambéu de nome^[1], anteriormente llamábase: Organización de la Conferencia Islámica (árabe:منظمة المؤتمر الإسلامي; francés: Organisation de la Conférence Islamique; inglés:Organization of the Islamic Conference).

Organización pa la Cooperación Islámica
منظمة التعاون الإسلامي (ar) Organisation of Islamic Cooperation (en) Organisation de Coopération Islamique (fr)
organización internacional, organismu internacional y organización islámica (es)
Llocalización
Sede	Yeda
Direición	Arabia Saudita
Historia
Fundación	25 setiembre 1969
Organigrama
Presidente	Hissein Brahim Sem Taha (es) (2020)
Participación empresarial
Filiales	ver Statistical, Economic and Social Research and Training Centre for Islamic Countries (en) OIC-StatCom (en) Organización del Mundo Islámico para la Educación, la Ciencia y la Cultura (es) OIC Council of Foreign Ministers (en) Research Centre For Islamic History, Art and Culture (en)
Web oficial

Les sos aiciones conséñense a l'actividá collaborativa ente los sos miembros, sobremanera na llucha escontra l'imperialismu, el neocolonialismu y la emancipación de Palestina. Históricamente celebráronse dellos conceyos que contribuyeron col so desendolcu: Lahore (1974), La Meca (1981), Casablanca (1984), Kuwait (1987), Dakar (1991). Les sos repercusiones son menores que los de la Lliga Árabe.

Cadarma Interna

• Cume de Xefes d'Estáu: Dirixe la organización per aciu de conceyos periódicos cada trés años.

• Conferencia de Ministros d'Asuntos Esteriores: Aconcenyen en sesiones ordinaries añales y encárgase de l'enanchamientu de les polítiques pal desendolcu del organismu.

• Secretaria Xeneral: Organismu executivu elixíu por mandatu de cuatro años y auxiliáu por cuatro axuntos.

Axencies Especializaes

• Centru d'Investigación y Formación Estadística, Económica y Social
• Axencia de Prensa Internacional Islámica
• Bancu Islámicu de Desendolcu

Secretarios xenerales

1. Tunku Abdul Rahman (Malasia): (1971-1973)
2. Hassan Al-Touhami (Exiptu): (1974-1975)
3. Amadou Karim Gaye (Senegal): (1975-1979)
4. Habib Chatty (Tunicia): (1979-1984)
5. Syed Sharifuddin Pirzada (Paquistán): (1985-1988)
6. Hamid Algabid (Níxer): (1989-1996)
7. Azeddine Laraki (Marruecos): (1997-2000)
8. Abdelouahed Belkeziz (Marruecos): (2001-2004)
9. Ekmeleddin Ihsanoglu (Turquía): (dende'l 2005)

Países miembros

Estáu miembru	xunióse	Notes
Afganistán	1969	Suspendíu ente 1980 y marzu 1989
Arxelia	1969
Chad	1969
Exiptu	1969	Suspendíu ente mayu 1979 y marzu 1984
Guinea	1969
Indonesia	1969
Irán	1969
Xordania	1969
Kuwait	1969
El Líbanu	1969
Libia	1969
Malasia	1969
Malí	1969
Mauritania	1969
Marruecos	1969
Níxer	1969
Paquistán	1969	Bloquia la entrada como miembru a  India
Palestina[2]	1969[3]
Arabia Saudita	1969
Senegal	1969
Sudán	1969
Somalia	1969
Tunicia	1969
Turquía	1969
Yeme	1969	De 1990 como República de Yeme xunida cola  República Democrática Popular de Yeme
Baḥréin	1970
Omán	1970
Qatar	1970
Siria	1970
Emiratos Árabes Xuníos	1970
Sierra Lleona	1972
Bangladex	1974
Gabón	1974
Gambia	1974
Guinea-Bisáu	1974
Uganda	1974
Burkina Fasu	1975
Camerún	1975
Comores	1976
Iraq	1976
Maldives	1976
Xibuti	1978
Benín	1982
Brunéi	1984
Nixeria	1986
Azerbaixán	1991
Albania	1992
	1992
Taxiquistán	1992
Turkmenistán	1992
Mozambique	1994
Kazakstán	1995
Uzbequistán	1995
Surinam	1996
Togu	1997
Guyana	1998
Costa de Marfil	2001
Suspendíos o retiraos
Zanzíbar	1993	Retiróse n'agostu de 1993
Estaos observadores
Bosnia y Herzegovina	1994
República Centroafricana	1997
República Turca de Xipre del Norte	1979[4]	La denomación cambió en 2004[5]
Tailandia	1998
Rusia	2005
Organizaciones y comunidaes musulmanes observadores
Frente de Lliberación Nacional Moro	1977	Bloquia la entrada como miembru a  Filipines
Instituciones islámiques observadores
Xunión Parllamentaria de los Estaos Miembros de la OCI	2000
Foru de la Mocedá De la Conferencia Islámica pal Diálogu y la Cooperación	2005
Organizaciones internacionales observadores
Lliga Árabe	1975
Naciones Xuníes	1976
Movimientu de los Non Alliniaos	1977
Organización pa la Xunidá Africana	1977
Organización pa la Cooperación Económica	1995

Enllaces esternos

• Oficial The Organization of the Islamic Conference
• Oficial Islamic Conference Archiváu 2005-12-19 en Wayback Machine (Documentos y información n'árabe, francés y inglés)