Solanum tuberosum

La pataquera^[1] (Solanum tuberosum) ye una planta de la familia de les solanacees, cultivada en cuasi tol mundu pol so tubérculu comestible. Ye orixinaria del altiplanu andín nuna estaya que coincide aproximadamente col sur de Perú au foi cultivada y consumida polo menos dende'l VIII mileniu e.C..

Solanum tuberosum pataquera
Clasificación científica
Reinu:	Plantae
División:	Magnoliophyta
Clas:	Magnoliopsida
Subclas:	Asteridae
Orde:	Solanales
Familia:	Solanaceae
Subfamilia:	Solanoideae
Tribu:	Solaneae
Xéneru:	Solanum
Subxéneru:	Potatoe
Seición:	Petota
Especie:	Solanum tuberosum L., 1753
Sinonimia
Solanum andigenum Juz. & Bukasov Solanum apurimacense Vargas Solanum aquinas Bukasov Solanum chiloense Berthault Solanum chilotanum Hawkes Solanum cultum Berthault Solanum diemii Brücher Solanum estradae L.E. López Solanum fonckii Phil. Solanum herrerae Juz. Solanum kesselbrenneri Juz. & Bukasov Solanum leptostigma Juz. & Buk. Solanum molinae Juz. Solanum oceanicum Brücher Solanum ochoanum Lechn. Solanum sanmartiniense Brucher Solanum subandigena Hawkes Solanum tascalense Brucher Solanum zykinii Lechn.
Consultes
Royal Botanic Gardens, Kew	Royal Botanic Gardens, Kew
World Flora Online	World Flora online
[editar datos en Wikidata]

Introducida n'Europa polos conquistadores españoles, tardó n'incorporase a la dieta por tener sustancies tóxiques nes sos partes verdes, pero convirtióse nún de los principales cultivos del planeta.

Nomes

Esta planta y tubérculu recibe dellos nomes, amás del más frecuente de pataca^[2] y la so variante patata^[3]; úsase tamién la forma papa^[4], y los términos, indiana^[5], india^[6] y indina^[7], por mor del so orixe americanu, esto ye, de les "Indies (occidentales)"^[8]. Pa nomar la planta, esiste tamién el términu pataquera^[9].