Periodu orbital

El periodu orbital o tresllación ye'l tiempu que tarda un planeta o un satélite (u otru oxetu) en completar la so órbita.

Periodu orbital
Periodu d'oscilación y cantidá física

Cuando se trata d'oxetos qu'orbiten alredor del Sol esisten dos tipos de periodos orbitales:

• El periodu sidéreu ye'l tiempu que tarda l'oxetu en dar una vuelta completa alredor del Sol, respeutu de les estrelles. Ésti considerase l'auténticu periodu orbital del oxetu.
• El periodu sinódicu ye'l tiempu que tarda l'oxetu en volver a apaecer nel mesmu puntu del cielu respeutu del Sol, cuandu s'observa dende la Tierra. Ésti ye'l tiempu que trescurre ente dos conxunciones socesives col Sol, y ye'l periodu orbital aparente.

El periodu sinódicu y el periodu sidéreu difieren yá que la Tierra, a la so vegada, da vueltes alredor del Sol.

Rellación ente'l periodu sidéreu y el periodu sinódicu

Copérnico desendolcó una fórmula matemática pa rellacionar los periodos sidéreu y sinódicu d'un planeta.

N'adelantre s'emplegarán los símbolos siguientes:

P = periodu sidéreu del planeta

S = periodu sinódicu del planeta

T = periodu sidéreu de la Tierra

A lo llargo del tiempu S, la Tierra percuerre un ángulu de (360°/T)S (supóngase una órbita completamente circular) y el planeta muevese (360°/P)S.

Consideremos el caso d'un planeta interior, ye dicir, un planeta que tarda menos que la Tierra en dar una vuelta al Sol.

(360°)/P)S = (360°/T)S + 360°

Usando l'álxebra obtenemos

1/P = 1/T + 1/S

Pa un planeta esterior, procedese de forma análoga:

1/P = 1/T - 1/S