Protectoráu del Sarre

El protectoráu del Sarre (n'alemán: Saarprotektorat; en francés: Protectorat de Sarre) foi un territoriu d'Alemaña que tuvo baxu control francés ente los años 1947 a 1956, y que correspuende al actual estáu federáu alemán del Sarre.

← Саар Protectoráu del Sarre (de 17 avientu 1947 a 31 avientu 1956) Sarre →
estáu desapaecíu
Himnu nacional	Saarlandlied (en)
Alministración
Capital	Saarbrücken
Forma de gobiernu	protectoráu República
Miembru de	ver Interpol [1]
Xeografía
Coordenaes	49°23′N 6°53′E
Llendaba con	Alemaña
Demografía
Economía
Moneda	Saar mark (en) y Saar franc (en)

Fronteres d'Alemaña a la fin de la II Guerra Mundial (1949), el protectoráu del Sarre n'azul celeste.

Historia

Antecedentes: Primer periodu de Protectoráu

Artículu principal: Territoriu de la Cuenca del Sarre

Según el Tratáu de Versalles de 1919, el Sarre quedaba so gobiernu de la Sociedá de Naciones alministráu por Francia, mientres un periodu de 15 años a cuntar dende 1920, como compensación de les perdes sufiertes pel país galu mientres la guerra.^[2] Tres los 15 años, realízase un referendu sobre'l futuru de la rexón, onde la opción de la vuelta a Alemaña llogra'l 90% del escrutiniu, pasando a formar parte de l'Alemaña Nazi.^[3]

Segundu periodu de Protectoráu

Tres la Segunda Guerra Mundial, Sarre vuelve a dominiu francés dempués de la so ocupación por mandatu de Naciones Xuníes. Celebraes les primeres eleiciones tres la guerra en 1947, el parllamentu vota la unión a Francia so la figura d'un protectoráu, col nome d'Unión económica ente Francia y El Sarre».^[4]

En 1954, Francia y Alemaña alcuerden en París l'establecimientu d'un estatutu pal Sarre, definiendo la rexón como territoriu européu, con vistes a la posibilidá d'allugar la capital de les distintes comunidaes europees qu'acabaríen derivando na actual XE.

Aprobáu l'estatutu pol parllamentu, l'estatutu ye votáu en referendu, ganando la opción del Non, pese al sofitu del canciller alemán Konrad Adenauer. Debíu al fracasu de la negativa del estatutu, el Primer Ministru francés Guy Mollet y Adenauer alcuerden en Luxemburgu que Sarre vuelva formar parte d'Alemaña, produciéndose'l 1 de xineru de 1957.^[5]

Deportes

El protectoráu del Sarre participó nos Xuegos Olímpicos de Ḥélsinki, y l'equipu nacional de fútbol llegó a tomar parte nes eliminatories pa la Copa Mundial de 1954, teniendo qu'enfrentase a l'Alemaña Occidental, pero nun se clasificó. Tres la incorporación a Alemaña, los sos combinaos deportivos incluyéronse dientro del conxuntu alemán.

Ver tamién

• Territoriu de la Cuenca del Sarre
• Rellaciones francu-alemanes
• Cronoloxía de la Unión Europea