Prunus spinosa
especie de planta From Wikipedia, the free encyclopedia
Remove ads
La abrunu[1], andrinal[2], brunu[3], escayu negral[4], espinal[5], espineru[6], espín[7], negral[4], prunacu[8], prunal[9], prunera[10], prunu[11] o prunu ciegu[11] (Prunus spinosa) ye un arbustu caducifoliu, mui enmarañau ya espinosu que pue algamar hasta 4 metros d'altura. Delles vegaes trafúlcase pol so aspeutu cola nisal montés (Prunus insititia).
Suel alcontrase ensamando grandes espesures, gracies a la so cenciella reproducción per aciu de retueyos que bilten de les sos raiceres. Tien rames diverxentes, pardu-escures, más o menos peludes na xuventú y con espines; el tayu vieyu, per contra, tien la carpeza o corteya abuxáo.
Les sos rames espinoses sofiten fueyes pequeñes ya ovales, y peciolaes d'implantación alterno.
Les flores son blanques y pentámeres. La so apertura tien llugar enantes de l'apaecimientu de les primeres fueyes. Demientres l'iviernu, cáen-y les fueyes y na primavera, enantes que bilte el nuevu follaxe, apaecen les flores.
Remove ads
El frutu
El prunu[12] o andrín[13] (tamién coles formes alternatives brunu[14] y endrín[15], amás de les llocuciones prunu andrín o prunu ciegu) ye'l frutu d'esti árbol, mui común nos montes españoles. Del tamañu d'una canica (el diámetru típicu, cuando'l frutu ta maduru, ye d'unos 10 a 14 milímetros de diámetru) y de mena ovalao. El color pue ser azuláu, violaceu o negruzu. Pelleyu aterciopeláu y tastu agridulce. Ye un frutu abondo apreciáu pa la ellaboración del pacharán.
- Prunal en flor
Prunos nel arbustu- Flores prunal
Remove ads
Otros nomes
Esta especie ye conocida nel dominiu llingüísticu asturlleonés colos siguientes nomes comunes: abrunu[1], andrinal[2], brunu[3], escayu negral[4], espinal[5], espineru[6], espín[7], negral[4], prunacu[8], prunal[9], prunera[10], prunu[11] y prunu ciegu[11].
Amas, en Sobrescobiu ta rexistráu'l nome de cáparu pa esti árbol[16].
Referencies
Enllaces esternos
Wikiwand - on
Seamless Wikipedia browsing. On steroids.
Remove ads