Real Titánico

El Real Titánico ye un club de fútbol de Llaviana. Foi fundáu en 1964 y xuega na Primer Asturfútbol. Xuega los sos partíos nel campu de Les Tolves.

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.

Datos rápidos Situación, Estáu ...

A comienzos del sieglu XX, un rapaz conocíu como Chepe, que conocía'l fútbol d'estudiar en Navarra, enseñó-ylo a los sos collacios cuando tornaba pa Llaviana en vacaciones. En 1912 nuna d'eses reuniones nel llagar de Don Clemente tien como consecuencia la creación d'un equipu na Pola, al que deciden pone-y el nome de Club Titánic Sport pol buque inglés Titanic que naufragara meses antes, fechu que por entoncies taba teniendo muncha repercusión. El primer presidente del club foi un abogáu llavianés llamáu Aquilino Zapico Acebedo. Foi inscritu oficialmente na Federación Rexonal Cantábrica, con sede en Xixón, el 30 d'avientu de 1915. En 1922 ye concedíu al club por Alfonso XIII el títulu de "Real".

Asina l'equipu entamó a xugar partíos per Asturies, siendo especialmente recordada una victoria en Llanes per 0-2 o un empate na Pola a cero goles contra'l Real Sporting de Xixón. Les cróniques de la época destaquen qu'ambos conxuntos alliniábense estranxeros como si d'ello fuera una gran ventaya, pues n'Escocia, Inglaterra o Alemaña teníase ya una cultura futbolística que n'España nun había. En 1919 los meyores xugadores del Titánic son fichaos pol Racing de Sama, y l'equipu entró nuna crisis deportiva y económica, na que camudóse'l nome a Nuevo Club Titánic y acabó desapaeciendo, baxo la presidencia d'Agapito Otero.

Créase entoncies la Gimnástica de Laviana, cola mayoría de xugadores procedentes del Nuevo Titánic, que se proclama campeón del Nalón, si bien nun foi inscritu en competiciones oficiales. Cambió de denominación a Arenas Club de Fútbol y duró hasta la Guerra Civil, en 1936, cuando foi disuelto.

Tres la guerra créase un nuevu club, utilizando'l nome inicial de 1912, pero castellanizáu por orden del Conseyu Nacional de Deportes, como Real Titánico. Tres el tresláu al campu de Fontoria en 1950 vívese uno de los momentos de mayor gloria del club, cuando en 1954 asciende por primer vez a categoría nacional. El debut en casa ye contra la Gimnástica de Torrelavega nun partíu que ganaron los visitantes por 2-4. En 1962, baxo'l mandatu de Manuel Álvarez "Noli", repítese la crisis económica y deportiva d'años atrás con idénticu resultáu, la desapaición del club.

Historia

Referencies

Enllaces esternos

Wikiwand - on