Papa Anteru

El papa Anteru (llatín Anterus; italiano Antero) foi'l cabezaleru de la Ilesia Católica del 21 de payares de 235 hasta la so muerte'l 3 de xineru de 236.^[2] Asocedió al papa Poncianu, que fora deportáu en Cerdeña xunto col antipapa Hipólitu.

Papa Anteru
19. Papa 21 payares 235 - 3 xineru 236 ← Papa Poncianu - Papa Fabián →
Vida
Nacimientu	Petilia Policastro (en) , fecha desconocida
Muerte	Roma, 3 de xineru de 236
Sepultura	Catacumbes de San Calistu
Oficiu
Oficiu	sacerdote católicu
Llugares de trabayu	Roma
Santoral
3 de xineru
Creencies
Relixón	Ilesia Católica[1]

Anteru yera fíu de Romulus, nacíu en Petilia Policastro (n'actual Calabria).^[3] Créyese que tenía oríxenes griegos, ^[4] y el nome pue indicar que yera un llibertu.^[5] Ordenó un obispu, pa la ciudá de Fondi.^[4]

Martiriu

Dalgunos investigadores creyen que sufrió martiriu,^[4][6] darréu qu'encargó buscar con procuru los fechos de los mártires, recoyío dafechu polos notarios nomaos pol papa San Clemente I.^[4][7] Otros investigadores dulden d'esto y creyen que morrió de manera natural peles persecuciones del emperador Maximín el Traciu.^[5]

Sepultura

Foi enterráu na cripta papal de les Catacumbes de San Calistu, na Vía Apia de Roma.^[4] De Rossi descubrió l'asitiamientu del sepulcru en 1854, con dalgunos fragmentos del epitafiu en griegu grabáu na llábana que zarraba la sepultura,^[7] del que solo se pue lleer el términu griegu pa obispu.^[6]

Les sos cenices treslladárense pa la ilesia de San Silvestre, nel Campu de Marte,^[4] y descubriéronse llueu el 17 de payares de 1595 cuando'l papa Clemente VIII reconstruyó esa ilesia.^[4]