Sergio Camargo

Sergio Camargo Pinzón (26 d'avientu de 1832 – 27 de setiembre de 1907) foi un abogáu, políticu, militar, presidente y diplomáticu colombianu.

Sergio Camargo
senador de Colombia ambassador of Colombia to the United Kingdom (en)
Vida
Nacimientu	26 d'avientu de 1832
Nacionalidá	Colombia
Muerte	27 de setiembre de 1907 (74 años)
Estudios
Estudios	Colegio Mayor de San Bartolomé (en)
Llingües falaes	castellanu
Oficiu
Oficiu	políticu, diplomáticu, abogáu
Creencies
Partíu políticu	Colombian Liberal Party (en)

Biografía y carrera profesional

Estudió nel Colexu de San Bartolomé. Graduáu en xurisprudencia en 1852, foi nomáu xuez y maxistráu. En 1857 empezó la so carrera política aportando a secretariu de Gobiernu del Estáu Soberanu de Boyacá. Ente 1862 y 1865 ocupó'l cargu de presidente de dichu estáu.

Mientres el periodu de guerres civiles a partir de 1840, formó parte del bandu Lliberal, n'oposición al bandu Conservador. Nun foi un soldáu profesional, pero algamó'l grau militar de xeneral pola so participación en delles batalles.

En 1868 ocupó'l cargu de Secretariu de Guerra y Marina y en 1871 foi nomáu xefe de la Guardia Nacional.

En 1876 foi escoyíu senador por Boyacá, tomando posesión en 1877 como presidente provisional de los Estaos Xuníos de Colombia por 3 meses, en reemplazu del presidente titular, Aquileo Parra, quien s'atopaba enfermu. Darréu foi nomáu embaxador ante la Santa Sede y en distintos países d'Europa: Alemaña, Francia, Gran Bretaña y España, realizando'l fortalecimientu de rellaciones diplomátiques con dichos países.

Foi la principal figura militar de la familia Camargo, emparentáu col distinguíu poeta Joaquín González Camargo, l'historiador Gabriel Camargo Pérez, Francisco Camargo y el presidente colombianu Alberto Lleras Camargo.