Sioux Falls
From Wikipedia, the free encyclopedia
Remove ads
Sioux Falls ye una ciudá del estáu de Dakota del Sur (Estaos Xuníos). Ye la sede alministrativa del condáu de Minnehaha y ye, colos sos 192 517 habitantes (1 abril 2020)[1][2], la más poblada del estáu. Na so área metropolitana (área estadística metropolitana Sioux Falls), qu'ocupa cuatro condaos del sureste del estáu (Lincoln, McCook, Minnehaha y Turner) y ye'l llar de 265.653 persones, viven el 29% de los habitantes de Dakota del Sur.
La ciudá fundóse en 1856 nes orielles del ríu Big Sioux, afluente del Missouri, na rodiada de les sos cascaes, a partir de dos asentamientos de dos compañíes privaes, atrayíes pola belleza y la riqueza n'agua de la zona, que collaboraron pa crear un fuerte nel que defendese de los indios dakota, qu'ocupaben la zona primero de qu'aportaran los colonos d'orixe européu. Nes últimes décades la ciudá tresformose d'un centru agrícola nun centru financieru y de servicios de salú, aprovechando nel primer casu que nun haya un impuestu sobro los ingresos de les empreses en Dakota del Sur y, nel segundu, la so distancia a centros urbanos de gran tamañu, que permitió tamién la ciudá convirtise nún centru de compres y ociu pa los habitantes, con bayura de centros comerciales y zones de tiendes. La industria de procesáu d'alimentos, magar qu'ensin ser la principal fonte de riqueza de la ciudá, entá ye un sector importante pa la economía de la ciudá.
Remove ads
Llocalidaes hermaniaes
Les ciudaes hermaniaes con Sioux Falls son:
Ver tamién
Referencies
Enllaces esternos
Wikiwand - on
Seamless Wikipedia browsing. On steroids.
Remove ads