Stefán Karl Stefánsson
actor islandés From Wikipedia, the free encyclopedia
Remove ads
Stefán Karl Stefánsson (10 de xunetu de 1975, Hafnarfjörður – 21 d'agostu de 2018, Los Angeles), foi un actor cómicu islandés conocíu por interpretar a Robbie Rotten, antagonista de la serie de televisión LazyTown.[4] Amás de ser conocíu mundialmente por esti papel, tenía a cargu una fundación en contra del acoso escolar.
Remove ads
Biografía
Stefán empecipió la so carrera artística en compañíes artístiques locales y de ende pasó al Teatru Nacional d'Islandia, nel qu'interpretó papeles protagonistes n'adautaciones d'obres al islandés.
El so debú en televisión llegó cola serie de RÚV y Viacom islandesa-estauxunidense LazyTown na qu'interpretaba al antagonista Robbie Rotten. Formó parte tantu de la serie orixinal (2004-2007) como de la readaptación de 2013. Gracies al so papel en LazyTown, Stefán pudo treslladase a Los Angeles (Estaos Xuníos) y desenvolver la so carrera artística con cursos de cantar, esgrima, doblaxe, comedia de situación y pianu, según el papel protagonista na adautación teatral de El Grinch. Sicasí, desenvolvió la mayor parte de la so carrera n'Islandia.
Casóse cola actriz, presentadora de TV y productora Steinunn Ólína, cola que tuvo trés fíos y un fíu. Amás, fundó Rainbow Children, una organización ensin fines d'arriquecimientu que buscaba concenciar sobre'l acoso escolar.[5]
N'ochobre de 2016 detectóse-y cáncer d'entrellenzu, y por cuenta de que nun podía costearse el preciu de la intervención abrió una cuenta en Go Fund Me pa recaldar el dineru necesario.[6] En xunu de 2017, l'actor fixo públicu que s'atopaba en fase terminal.[7] Dellos usuarios de Reddit entamaron una campaña de micromecenazgo pa paga-y el tratamientu.[8] La campaña popularizóse gracies a dellos youtubers qu'asonsañaron el trabayu de Stefán nel so cantar We Are Number One, de LazyTown, que llegó a convertise nun meme d'Internet.[9]
Anque n'agostu de 2017 aseguró curase del cáncer,[10] refugó volver sometese a cualquier terapia en casu de qu'esti remaneciera.[11][12] Al añu siguiente, en marzu de 2018, anunció que-y detectaren nuevos tumores.[13] Dempués de dos años de tratamientu contra la enfermedá, Stefán finó arrodiáu d'amigos y familiares el 21 d'agostu de 2018, a los 43 años.[14][15]
Remove ads
Filmografía
Cine
- Áramótaskaupið (1994)
- Privacy (1995)
- Skaupið: 1999 (1999)
- Regina (2001)
- Áramótaskaupið (2001)
- Stella For Office (2002)
- Litla lirfan ljóta (2002)
- Áramótaskaupið (2002)
- Night at the Museum (2006)
- Jóhannes (2009)
- Thor (2011)
- Polite People (2011)
- Harry Og Heimir (2014)
Televisión
- Lazy Town (2004–2007; 2013–2014)
- Titch and Ted Do Maths (2015)
- Cars Can Fly (2000)
- Car Mechanic Sketches for Eurovision (2000)
- Angel Non. 5503288 (2000)
- God Exists... and Love (1999)
- Baking Trouble (1998)
Teatru
- Dr. Seuss' How the Grinch Stole Christmas! The Musical — Worcester (Massachusetts) y Appleton, Wisconsin (2015)[16]
- Dr. Seuss' How the Grinch Stole Christmas! The Musical — Baltimore y Boston (2008), Los Angeles (2009), y North American tour (2010–14)[16]
- Life x 3 de Yasmina Reza (2002–03)
- Noises Off de Michael Frayn (2002–03)
- Cyrano de Bergerac d'Edmond Rostand (2001–02)
- Singin' in the Rain de Comden, Green, Freed y Brown (2000–01)
- The Cherry Orchard d'Antón Chéjov (2000–02)
- Stones in His Pockets de Marie Jones (2000–01)
- Glanni Glæpur í Latabæ de Magnús Scheving y Sigurdur Sigurjónsson (1999–2000)
- A Midsummer Night's Dream (1999-00)
- Little Shop of Horrors (1999–2000)
- 1000 Island Dressing de Hallgrímur Helgason (1999-00)
- Ivanov d'Antón Chéjov (1998–99)
- Palace of Crows d'Einar Örn Gunnarsson (1998–99)
- The Jungle Book de Rudyard Kipling (1997–98)
Voz
- Anna and the Moods (2006)
- The Lost Little Caterpillar
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads