Teretistris fernandinae

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu.

Teretistris fernandinae
Estáu de caltenimientu
Esmolición menor (IUCN)
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Parulidae
Xéneru:	Teretistris
Especie:	T. fernandinae ( Lembeye, 1850)
Distribución
Sinonimia
Anabates fernandinae Lembeye, 1850
Consultes
[editar datos en Wikidata]

Teretistris fernandinae o chillina, especie d'ave endémica de Cuba, al igual que'l so xéneru, nel qu'esiste amás otra especie Teretistris fornsi. Pertenez a la familia Parulidae del orde Passeriformes.

Nomes

En griegu Teretistris significa “finu o delicáu” y fernandinae en llatín vien-y de ser dedicáu al Conde de la Fernandina. Nel occidente de Cuba esta especie ye llamada chillina por glayar frecuentemente. Nel idioma taino, este y otros parulidae yeren llamaos bijiritas, que xunto con chinchillita son los nomes comunes del grupu en Cuba. .

Distribución

Teretistris fernandinae ye una bijirita común na parte occidental de Cuba, d'onde ye endémica, incluyendo Cienfuegos, la Islla de la Juventud y cayos axacentes. Vive en montes y carbes a cualquier elevación. Nunca cohabita cola especie hermana Teretistris fornsi.

Descripción

La chillina mide cerca de 13 cm de llargu. Dambos sexos son d'igual apariencia. La cabeza y la nuca son mariellu verdoses, que pueden paecer más marielles en contraste con xamasca verde. Los llaos del pescuezu son verde amarellentaos. El gargüelu y l'aru qu'arrodia'l güeyu son mariellos. El llombu, la rabadilla, les ales y la cola son grises. El restu de les partes inferiores son blancu abuxaes. Suel axuntase en bandos chillones, en vuelu curtiu. Nun son espantines. Rexistren la vexetación a baxu altor y el suelu en busca d'inseutos, arañes y lagartijitas.

Nial

Añera de marzu a xunetu sobre cañes fines horizontales o sobre epifitas. Faen el nial en forma de copa, con raigaños finos, yerbes y fibres. Ponen dos o tres güevos que miden 2 cm de llongura por 1,4 cm d'anchu, son blancuciu azulaos y nel estremu más anchu tienen manches pequeñes de color castañu acoloratáu y moraes.

Ver tamién

• Aves en Cuba