Tianjin

Tianjin (en chinu: 天津; en pinyin: Tiānjīn) ye una ciudá asitiada nel norte de la República Popular China. La metrópolis, que tien l'estatus alministrativu de municipalidá, con control direutu pol gobiernu nacional, llenda cola provincia de Hebei y la municipalidá de Beixín, y ta arrodiada al este pol golfu de Bohai, nel mar Mariellu.

Tianjin

Tianjin
Alministración
País	República Popular China
Tipu d'entidá	direct-administered municipality (en)
Cabezaleru/a del gobiernu	Huang Xingguo
Nome oficial	天津市 (zh-cn)
Nome llocal	天津 (zh)
Códigu postal	300000–301900
Xeografía
Coordenaes	39°08′48″N 117°12′20″E
Tianjin Tianjin (República Popular China)
Superficie	11920 km²
Altitú	5 m
Llenda con	Beixín, Hebei, Langfang, Tangshan y Cangzhou
Demografía
Población	13 866 009 hab. (2020)
Porcentaxe	0.96% de República Popular China
Densidá	1163,26 hab/km²
Más información
Prefixu telefónicu	22
Estaya horaria	UTC+08:00
Llocalidaes hermaniaes	Filadelfia, Pyong Yang, Łódź, Abidjan, Mykolaiv, Mar del Plata, Chiba, Fitchburg, Bangkok, Sarayevu, Dallas, Tesalónica, Hakodate, Kharkiv, Kutaisi, Rishon LeZion, Groningen, Haiphong, Incheon, Esmirna, Kōbe, City of Melbourne (en) , Ulán Bátor, Yokkaichi, Larnaca Municipality (en) y Nampho
tj.gov.cn

La ciudá, que tenía 12,28 millones d'habitantes na so municipalidá al final de 2009, ye la mayor de les ciudaes costeres del norte de China, y tien dos nucleos urbanos. El tradicional, qu'inclúi el cascu antiguu, asítiase a la oriella'l ríu Hai, que ta coneutáu a los ríos Mariellu y Yangtze al traviés del Gran Canal; y la zona nomada Binhai, asitiada al este de la anterior a la vera la mar. Esta ye ún de los principales polos de crecimientu del país, y nella asiéntense munches empreses importantes, lo mesmu industriales que financieres. La ciudá ye, dende mediaos del sieglu XIX, un puertu perimportante, al qu'aportaben les persones y mercancíes destinaes a la capital del país.

Dientro la so economía rescampla la importancia del sector industrial. Na ciudá hai industries petroquímiques, testiles, mecániques y siderúrxiques. Hai tamién, fabriques de coches, y una fábrica d'aviones d'Airbus. Nella allúgase tamién, nel so centru nacional de supercomputación, el supercomputador más rápidu del mundu, nomáu Tianhe-1A. El so puertu, el mayor puertu artificial d'agües profundes de China, ye'l quintu del mundu por capacidá. A la so actividá de carga súma-y tamién el so calter de puertu d'arribada de los cruceros de pasaxeros que fondean nella demientres los pasaxeros visiten la ciudá y la vecina Beixín.

La ciudá ye tamién sede de dos de les más principales universidaes del país: la Universidá de Nankai, fundada en 1919 y que ye una de les más prestixoses de China; y la Universidá de Tianjin, la más vieya del país, fundada en 1895.