Torvizcón

Torvizcón ye una llocalidá y conceyu español perteneciente a la provincia de Granada, na comunidá autónoma d'Andalucía. En 2.016 cuntaba con 682 habitantes censaos.^[3] Ta asitiáu na parte meridional de l'Alpujarra Granadina. Llenda colos conceyos de La Taha, Almegíjar, Cástaras, Albondón, Sorvilán, Polopos y Órgiva.

Torvizcón
Alministración
País	España
Autonomía	Andalucía
Provincia	provincia de Granada
Tipu d'entidá	conceyu d'España
Alcalde de Torvizcón (es)	Juan David Moreno Salas
Nome oficial	Torvizcón (es)[1]
Códigu postal	18430
Xeografía
Coordenaes	36°52′43″N 3°17′55″W
Torvizcón Torvizcón (España)
Superficie	51 km²
Altitú	685 m
Llenda con	Almegíjar, Albondón, Cástaras, Sorvilán, Polopos, Órgiva y La Taha (es)
Demografía
Población	621 hab. (2024) - 349 homes (2019) - 299 muyeres (2019)
Porcentaxe	0.07% de provincia de Granada
Densidá	12,18 hab/km²
Más información
Estaya horaria	UTC+01:00 (horariu estándar)[2] UTC+02:00 (horariu de branu)[2]
torvizcon.es

Términu municipal de Torvizcón al respective de la provincia de Granada.

Los sos cultivos principles son los almendrales, vides y figales. Magar, el so nome ye un topónimu que significa 'tierra del torviscu', planta arbustiva tenida por peligrosa que'l so nome científicu ye Daphne gnidium.

Bona parte del so territoriu atópase dientro del Sitiu Históricu de la Alpujarra. Nel términu municipal, allúguense diverses cortijaes que tienen el so orixe nes edificaes mientres el sieglu XIX.

Historia

Según dalgunos historiadores ye posible qu'esistiera un nucleu de población en dómina romana.

A partir del sieglu XVI formó parte del señoríu de don Luis Zapata, que tomaba territorios de l'antigua taha del Cehel na fastera sur de la sierra de la Contraviesa, hasta Albuñol.^[4] Tres la Rebelión de los moriscos namái quedaron dos families nel pueblu y nun foi repobláu.^[5] Más tarde, a finales del sieglu XVII, mientres el XVIII y primer terciu del XIX, foi cabeza de partíu del «Estáu de Torvizcón» o del conde de Cifuentes, polo qu'algamó títulu de villa.^[6]

Política

Los resultaos en Torvizcón de les postreres eleiciones municipales, celebraes en mayu de 2011, son:

Eleiciones Municipales - Torvizcón (2011)
Partíu políticu	Votos	%Válidos	Conceyales
Partíu Socialista Obreru Español (PSOE)	275	58,89%	4
Partíu Popular (PP)	187	40,04%	3

Cultura

Patrimonio

El pueblu tien una ilesia d'estilu mudéxar, dedicada a Nuesa Señora del Rosario, construyida con anterioridá a 1530. La nave y la capiya mayor tán cubiertes con armadures de limabordón y par y nudiellu nel entronque ente dambes. Foi quemada polos moriscos en 1568 y foi reparada en diverses ocasiones. Nel sieglu XVIII añadióse-y una nave llateral adosada con bóvedes d'arestes, comunicada por aciu arcos de mediu puntu.^[7] Cuenta nel so interior con una destacable talla policromada de la Virxe del Rosario, del sieglu XVIII^[8] y un cuadru al oleu de José Risueño representando la coronación de la Virxe, en delicáu estáu de caltenimientu.^[9]

Fiestes

Hai que destacar la fiesta de San Antón, el 17 de xineru, anque se celebra'l sábadu y domingu posterior, por que puedan asistir les persones que s'atopen fora de la llocalidá. Mientres tol añu'l pueblu curia d'un gochu que se rifa'l día de San Antón.