Tromelin

castru allugáu nel Océanu Índicu, ente Madagascar ya islla Reunión From Wikipedia, the free encyclopedia

Tromelin
Remove ads

Islla Tromelin (francés: île Tromelin) ye un castru de 0.8 km² allugáu nel Océanu Índicu, al este de Madagascar y al norte de la islla Reunión. Alministrativamente, tres d'un alcuerdu col Reinu Xuníu en 1954, ye un territoriu francés d'ultramar, magar que la so soberanía ye reclamada por Mauriciu y les Seixeles. Acueye una estación meteorolóxica, y ye llugar d'añeramientu de páxaros bobos y de tortugues. La islla ye, básicamente, un bancu d'arena de 1.700 m de llargor y 700 m d'anchor y 80 ha d'estensión, con un altor máximu sobro'l nivel de la mar de 7 m, y ta cubierta de sebe y arrodiada d'arrecifes de coral. Nun hai puertos o bahíes naturales, lo que fai abegosu l'accesu per mar; un aeródromu con 1.200 m de pista d'aterrizaxe ye la conexón de la islla col mundu esterior.

Datos rápidos Alministración, Tipu d'entidá ...
Remove ads

Historia

La islla foi reconocida por primer vegada por un marín francés, Jean Marie Briand de la Feuillée, y nomada (1722) Île des Sables (Islla del Sable). En 1761 el barcu francés Utile, que carretaba esclavos de Madagascar pa Mauriciu, encalló nos cantiles de la islla. La tripulación aportó a Madagascar nuna balsa, dexando abandonaos a 60 esclavos na islla desierta. Quince años dempués, en 1776, Bernard Boudin de Tromelin, capitán del barcu de guerra francés La Dauphine, visitó la islla y rescató a los sobrevivientes: siete muyeres y un nenu d'ocho meses d'edá. De magar la islla recibió'l so nome actual.

La reclamación francesa de la so soberanía remóntase a 1810. Por embargu, dende'l sieglu XIX hasta la década del 1950 Tromelin foi una dependencia de la colonia británica de Mauriciu. En 1954, tres d'un alcuerdu franco-británicu, Francia construyó una estación meteorolóxica y una pista d'aterrizaxe na islla. Discútese si esi alcuerdu tresfirió tamién la soberanía de la islla, y esa ye la base argumental pola que Mauriciu, que considera que la soberanía nun fora tresferida y, poro, Tromelin yera parte de la colonia británica de Mauriciu, reclama la islla. La reclamación ye antigua. Yá en 1959, primero de la so independencia, Mauriciu informó a la Organización Meteorolóxica Mundial que consideraba que la islla yera de so. En 2010 Francia y Mauriciu roblaron un alcuerdu pa xestionar conxuntamente'l territoriu.

Tromelin tien una Zona Económica Esclusiva de 280.000 km², que llenda cola de la silla Reunión. La estación meteorolóxica, que ye un puntu avanzáu d'alerta por ciclones, sigue siendo de propiedá francesa, magar que los sos trabayadores son meteorólogos de Reunión. Los sos únicos habitantes permanentes, sicasí, son una guarnición francesa de quince soldaos.

Remove ads

Referencies

Enllaces esternos

Loading related searches...

Wikiwand - on

Seamless Wikipedia browsing. On steroids.

Remove ads