Unidá Popular (España)
Coalición eleutoral From Wikipedia, the free encyclopedia
Remove ads
Unidá Popular (UP; Unidad Popular en castellán) ye una coalición eleutoral creada p'allegar a les eleiciones xenerales d'España de 2015 ya integrada na coalición Xuníos Podemos pa les eleiciones xenerales d'España de 2016. Tien el so orixe na plataforma Ahora en Común y nel grupu parllamentariu del Congresu de los Diputaos de La Izquierda Plural.
Remove ads
Historia
L'orixe d'Unidá Popular ta na plataforma ciudadana Ahora en Común y nel grupu parllamentariu del Congresu de los Diputaos: Izquierda Xunida-Los Verdes: La Izquierda Plural.
Ahora en Común surdió en xunetu de 2015, tres les eleiciones autonómiques y municipales d'España del añu 2015, y tenía como oxetivu principal la creación d'una candidatura pa les eleiciones xenerales na que confluyeren tolos partíos políticos, organizaciones sociales y persones independientes d'izquierdes.[1] Podemos refugó la so integración nesti movimientu nun entamu yá que, según el so Secretariu Xeneral Pablo Iglesias, les coaliciones d'izquierdes nun sirven pa ganar les eleiciones, al empar que respetaba qu'aquellos miembros del so partíu que sofitaren la iniciativa pudieren camudase d'opción política,[2] mientres qu'Izquierda Xunida sí decidió integrase esperando que sirviera como espaciu d'alcuentru.[3] El 27 de setiembre de 2015, Emmanuel Rodríguez, Pilar García y David Leal, grupu promotor de la iniciativa, roblaron un comunicáu nel qu'anunciaben la so salida de la mesma, llevándose la marca "Ahora en Común" que rexistraren tanto nel Rexistru de partíos políticos como la Oficina de Patentes y Marques, al considerar que la plataforma moviera al protagonismu ciudadanu en provechu de les fuercies polítiques partidaries, ente les que s'atopaben IX, Podemos y Equo, ente otros, y cola acusación de que se taba llegando a alcuerdos "a puerta zarrada" ente fuercies d'izquierdes y Podemos.[4] Tres l'anunciu de celebración de primaries a nivel estatal n'Ahora en Común, el partíu Equo abandonó la plataforma considerando que les primaries nun ayudaben a la confluencia con Podemos.[5]
Tres la marcha del grupu promotor d'Ahora en Común y por cuenta de que la marca "Ahora en Común" yera propiedá d'estos, los miembros que permanecieron na plataforma siguieron adelantre sol nuevu nome d'Unidá Popular (UP).[6]
La coalición eleutoral, denominada formalmente «Unidá Popular: Izquierda Xunida, Unidá Popular en Común, Chunta Aragonesista, Izquierda Asturiana, Batzarre-Asamblea d'Izquierdes, Construyendo la Izquierda-Alternativa Socialista, Ente Tods Sí Se Puede Córdoba, Segoviemos, Izquierda Castellana» ta formada polos partíos que la so denominación indica; a saber: Izquierda Xunida, Unidá Popular en Común, Chunta Aragonesista, Izquierda Asturiana, Batzarre-Asamblea d'Esquierdes, Construyendo la Izquierda - Alternativa Socialista, Ente Tods Sí Se Puede Córdoba, Segoviemos ya Izquierda Castellana.[7] Al poco tiempu, Ente Tods Sí Se Puede Córdoba anunció a la Xunta Eleutoral Central (XEC) que se retiraba de la coalición.[8]
Remove ads
Eleiciones primaries
Realizáronse primaries abiertes presenciales y en llinia pa escoyer a los candidatos d'Unidá Popular a la Presidencia'l Gobiernu, al Congresu y al Senáu, siguiendo estes dos últimes el métodu Dowdall d'eleición proporcional de candidatos y los sos puestos nes llistes. Darréu ordenaríense les posiciones siguiendo criterios de paridá de xéneru.[9]
Alberto Garzón ganó les primaries a candidatu a la presidencia'l Gobiernu con 23 71223 712 (96 %) d'un total de 24 61524 615, presentándose frente a otros 13 candidatos.[10]
Les resultancies oficiales de les primaries foron los siguientes:
Remove ads
Integrantes
- Izquierda Xunida
- Izquierda Asturiana
- Izquierda Castellana
- Segoviemos
- Ahora en Común
- Chunta Aragonesista
- Batzarre
- Construyendo la Izquierda - Alternativa Socialista
- Corriente Roja
Resultaos eleutorales
Remove ads
Ver tamién
Referencies
Enllaces esternos
Wikiwand - on
Seamless Wikipedia browsing. On steroids.
Remove ads