Víctor Hevia

Víctor Hevia Granda (20 de payares de 1885, Uviéu – 25 d'avientu de 1957, Uviéu), foi un escultor asturianu.

Víctor Hevia
Vida
Nacimientu	Uviéu, 20 de payares de 1885[1]
Nacionalidá	España
Muerte	Uviéu, 25 d'avientu de 1957 (72 años)
Estudios
Llingües falaes	castellanu
Profesor de	Covadonga Romero Rodríguez
Oficiu
Oficiu	escultor, restaurador, educador, conservación (es)
Trabayos destacaos	Amor y Dolor (es) Placa en memoria del cabo Luis Noval (es) Julián Clavería (es)
Premios	ver Encomienda de la Orde Civil d'Alfonso X el Sabiu Encomienda de la Orden de Isabel la Católica

Biografía

Estudió na so ciudá natal, na Escuela d'Artes y Oficios, onde foi alumnu de José Uría y Uría, al que consideraba como'l so maestru, y depués tuvo pensionáu na Academia de Belles Artes de San Fernando en Madrid, enanchando los sos conocimientos en viaxes per Italia (gracies a una pensión de la Diputación Provincial) y París. Tornaría a Asturies en 1918.

A la Esposición Nacional de Belles Artes de 1910 presentó la so obra Ocaso y a la de 1915 presentaría El Galeote, que yá fuera presentada en Roma l'añu anterior y cola qu'algamó la tercera medaya y premiu del Círculu de Belles Artes.

Foi profesor na Escuela d'Artes y Oficios d'Uviéu.

Obres

Estatua d'Alfonsu II.

• Escudu y corona del palaciu de la Diputación d'Asturies (Anguaño, Xunta Xeneral del Principáu).
• Mausoléu del cabu Luis Noval y Ferrao nel cementeriu de San Salvador, d'Uviéu.
• Tipu de mozu astur
• Restauración de la Cámara Santa de la Catedral d'Uviéu.
• Monumentu a José Tartiere en collaboración con Manuel Álvarez Laviada nel Campu San Franciscu d'Uviéu.
• Monumentu a Leopoldo Alas, Clarín, tamién en collaboración con Manuel Álvarez Laviada.
• Amor y Dolor (1925), nel Campu San Franciscu d'Uviéu.
• Estatua d'Alfonsu II el Castu, n'Uviéu.
• Monumentu al Marqués de la Vega de Anzo, en Grau.
• Bustu d'Adolfo Prieto Álvarez nel Muséu Etnográficu de Sama, en Sama, Grau.
• Monumentu a Manuel Artime, en Candás.