Envergadura

El valumbu o envergadura ye l'anchu de la vela mayor d'una embarcación a vela, l'anchor que tienen de frente les aves o otros animales alaos (como pterodáctilos, esperteyos o inseutos) coles ales totalmente estendíes escontra los llaos o, por estensión, l'anchor d'una aeronave d'un estremu a otru de les ales.

El valumbu d'esti avión ye la distancia ente los puntos A y B.

La pallabra remanez de envergáu, y ésta de verga, (que ye'l mayor de los palos perpendiculares al mástil) y ésta de la mesma del llatín verga, "vara", más la terminación -ura, qu'indica propiedá, como en gordura o dulzura.

Rexistros de valumbu

Envergadures más grandes

• Aeronave: Hughes H-4 Hercules "Spruce Goose" – 97,51 m^[1]
• Aeronave (presente) Antonov An-225 – 88,4 m
• Esperteyu: gran foín volador – 1,5 m^[2]
• Ave: albatros viaxeru – 3,63 m^[3]
• Ave (estinguida): Argentavis magnificens – envaloráu 7 m^[4]
• Reptil (estintu): pterosauriu Quetzalcoatlus – 10–11 m^[5]
• Inseutu: caparina emperador – 28 cm^[6]
• Inseutu (estintu): Meganeuropsis – envaloráu hasta 71 cm^[7]

Envergadures más pequeñes

• Aeronave (biplanu): Starr Bumble Bee II – 1,68 m^[8]
• Aeronave (jet): Bede BD-5 – 4,27 m
• Aeronave (bimotor): Colomban MC-15 – 4,9 m
• Esperteyu: esperteyu moscardu – 16 cm^[2]
• Ave: zunzuncito – 6,5 cm^[9]
• Inseutu: aviespa parasitaria tanzana – 0,2 mm^[10]