Diego Velázquez

Diego Rodríguez de Silva y Velázquez (6 de xunu de 1599, Sevilla – 6 d'agostu de 1660, Madrid), conocíu como Diego Velázquez, foi un pintor barrocu, consideráu unu de los máximos esponentes de la pintura española y maestru de la pintura universal.

Diego Velázquez
aposentador mayor de palacio (es) 16 febreru 1652 - pintor de cámara (es)
Vida
Nacimientu	Sevilla[1], 6 de xunu de 1599[2]
Nacionalidá	España [3]
Muerte	Madrid[1], 6 d'agostu de 1660[4] (61 años)
Sepultura	Madrid[1]
Familia
Padre	João Rodrigues da Silva
Madre	Jerónima Velázquez
Casáu con	Juana Pacheco (1618 – m. 1660)[5]
Fíos/es	Francisca de Silva Velázquez y Pacheco[5]
Estudios
Llingües falaes	castellanu[2]
Alumnu de	Francisco Pacheco (es)
Profesor de	Tomás de Aguiar (es)
Oficiu
Oficiu	pintor, artista, artista visual
Llugares de trabayu	Sevilla, Madrid, Venecia, Roma, Nápoles, Roma y Italia
Trabayos destacaos	El triunfo de Baco (es) Las Meninas La fragua de Vulcano (es) Cristo en casa de Marta y María (es) La rindición de Breda El aguador de Sevilla (es) Equestrian Portrait of Philip IV (en)
Premios	ver Orde de Santiago
Miembru de	Orde de Santiago
Movimientu	barrocu[6]
Xéneru artísticu	retrato pictórico (es) pintura mitolóxica pintura de historia (es) pintura relixosa semeya pintura arquitectónica (es) arte de xéneru pintura de paisaxe desnudo (es) figura (es) animalística (es) arte sacro bodegón (es)

Biografía

Velázquez empezó la so carrera artística na so ciudá natal, Sevilla, onde desenvolvió un estilu naturalista de llume tenebrista, por influencia de Caravaggio y los sos siguidores. A los 24 años treslládase a Madrid, onde foi nomáu pintor del rei Felipe IV, y cuatro años dempués foi xubíu a pintor de cámara, el cargu más importante ente los pintores de la corte, llabor a la que dedicóse'l restu de la so vida. El so trabayu consistía en pintar semeyes del rei y de la so familia, según otros cuadros destinaos a decorar les casones reales.

La presencia na corte dexó-y estudiar la coleición real de pintura que, xunto coles enseñances del so primer viaxe a Italia, onde conoció tanto la pintura antigua como la que se faía nel so tiempu, fueron influencies determinantes pa evolucionar a un estilu de gran lluminosidá, con pincelaes rápides y sueltes. Nel so maduror, a partir de 1631, pintó d'esta forma grandes obres como "La rendición de Breda". Na so última década'l so estilu fíxose más esquemáticu y abocetado algamando un dominiu estraordinariu de la lluz; esti periodu inauguróse col "Retrato del papa Inocencio X", pintáu nel so segundu viaxe a Italia, y a él pertenecen les sos dos últimes obres maestres: "Las Meninas" y "Las hilanderas".

Catálogu

El so catálogu consta d'unes 120 o 125 obres. La reconocencia como pintor universal prodúxose tardíamente, a mediaos del sieglu XIX. Velázquez algamó la so máxima fama ente 1880 y 1920, coincidiendo colos pintores impresionistes franceses, pa los que foi un referente.

Manet sintióse maraviáu cola so pintura y calificóle como «pintor de pintores» y «el más grande pintor qu'enxamás esistió». La parte fundamental de los sos cuadros qu'integraben la coleición real caltiénse nel Museo del Prado, en Madrid.