Virxe de Cuadonga

La Virxe de Cuadonga, conocida popularmente como la Santina, ye una semeya de la Virxe María que s'alcuentra nuna cueva en Cuadonga, conceyu de Cangues d'Onís, Asturies.

Imaxe de la Santina, davezu vistida de bermeyu

Ye una talla policromada cubierta de ropaxe y mantu, anque foi concebida p'amosase ensin el ropaxe y el mantu ta pintáu sobre la madera nun color azul verdosu orniáu con flores colloraes. La capa ye de color colloráu colos bordes doraos, asina como'l cinturón y los baxos del faldón tallaos na escultura. La Virxe suxeta al Neñu Xesús en so manu esquierda y na drecha suxeta una flor y sobre la so tiesta figura una corona dorada con perlles nes sos aristes y brillantes incrustaos. Del arcu que describe la parte cimera de la corona escolinga un aigla arodiada d'un circulu de brillantes.