XX Distritu de París

El XX Distritu de París (XXᵉ arrondissement de Paris, en francés), asitiáu na vera derecha del Sena, ye unu de los 20 distritos de París, Francia. Contién los barrios cosmopolites de Ménilmontant y Belleville, qu'acoyeron a munches foles socesives d'inmigración dende mediaos del sieglu XIX. Anguaño, Belleville tien el segundu barriu chinu más grande de París.

XX Distritu de París
Alministración
País	Francia
Instituto público (es)	[[d:Special:EntityPage/Q16665915|{{{2}}}
Coleutividá territorial francesa con estatus especial	París
Tipu d'entidá	distritu municipal
Cabezaleru/a del gobiernu	Frédérique Calandra
División	ver Belleville (es) , Quartier Saint-Fargeau (en) , barrio del Père-Lachaise (es) y Charonne (en)
Xeografía
Coordenaes	48°51′54″N 2°23′57″E
Superficie	5.98 km²
Llenda con	X Distritu de París, XI Distritu de París, XII Distritu de París y XIX Distritu de París
Demografía
Población	187 694 hab. (1r xineru 2022)
Densidá	31 386,96 hab/km²
Más información
Fundación	1860
mairie20.paris.fr

Ye conocíu internacionalmente por allugar el Campusantu del Père-Lachaise, nel que pueden atopase les sepultures de famosos compositores (como Chopin y Rossini), escritores (ente ellos Oscar Wilde y Marcel Proust), pintores (Pissarro, Jacques-Louis David y otros) ya inclusive cantantes de rock (Jim Morrison).

Alministración

El distritu ta estremáu en cuatro barrios:

Alcaldía del XX Distritu.

• Barriu de Belleville
• Barriu de Saint-Fargeau
• Barriu del Père-Lachaise
• Barriu Charonne

El so alcalde actual ye Frédérique Calandra (PS). Foi escoyíu en 2008 por seis años.

Xeografía

L'área d'esti distritu ye de 5,984 km².

Demografía

La población del XX Distritu algamó'l so máximu en 1936, cuando tenía 208 115 habitantes. Anguaño, sigue siendo bien trupu en población y actividá comercial, con 182 952 habitantes y 54 786 puestos de trabayu, como reflexa l'últimu censu, de 1999. Sobre la base d'esa población y a la so estensión de 598 hectárees tien una densidá de 30 574 hab/km².

Añu (censu nacional)	Población	Densidá (hab. per km²)
1872	92 772	15 503
1936 (picu de población)	208 115	34 779
1954	200 208	33 457
1962	199 310	33 307
1968	188 921	31 571
1975	175 795	29 378
1982	171 971	28 738
1990	184 478	30 829
1999	182 952	30 574
2005 (estimación)	191 800	32 052

Llugares d'interés

Pavillon Carré de Baudoin.

• Iglesias:
  • Ilesia Notre-Dame-de-la-Croix
  • Ilesia Saint-Germain de Charonne

• Campusantos:
  • Campusantu del Père-Lachaise
  • Campusantu de Charonne
  • Cimetière de Belleville

• Parques:
  • Parque de Belleville

• Otros:
  • Pavillon Carré de Baudouin

Habitantes pernomaos

Nesti Distritu de París tuvieron la so residencia: el cantante Serge Gainsbourg, los escritores Guy Debord y Daniel Pennac, los políticos Léon Gambetta, Léon Blum y Jacques Duclos y el médicu Albert Besson.

Ver tamién

• Distritos de París