El Blitz ye'l términu col que se conoz a los bombardeos sosteníos del Reinu Xuníu per parte de l'Alemaña nazi que se llevaron ente 1940 y 1941 mientres la Segunda Guerra Mundial. Estos bombardeos d'oxetivos industriales y centros civiles empezaron con intensos ataques a Londres el 7 de setiembre de 1940, mientres la que más tarde sería conocida como la batalla d'Inglaterra. Nesi momentu, los planes d'Adolf Hitler y Hermann Göring de destruyir la Real Fuercia Aérea (RAF) pa dexar una invasión de Gran Bretaña taben fallando y, en respuesta a un ataque de la RAF a Berlín, que de la mesma foi provocáu por un bombardéu alemán accidental de Londres, camudaron les sos táctiques a un bombardéu sosteníu d'oxetivos civiles.