La Comunidá d'Estaos Independientes (CEI) ye una organización supranacional compuesta por 10 de les 15 exrepúblicas soviétiques, cola esceición de los 3 estaos bálticos: Estonia, Letonia y Lituania, qu'anguaño son miembros de la Xunión Europea; Turkmenistán, qu'abandonó la organización el 26 d'agostu de 2005 pa convertise en miembru asociáu; y Xeorxa, que se retiró'l 18 d'agostu de 2009. Mongolia participa en delles estructures de la CEI como miembru observador. Magar ser un estáu fundador, Ucraína de iure nun ye miembru de la CEI yá que nun ratificó l'estatutu de la organización, anque ye un participante de facto.