L'Imperiu sasánida ye'l nome que recibe'l segundu Imperiu persa mientres la so cuarta dinastía irania (226-651). La dinastía sasánida foi fundada por Ardacher I en derrocando al últimu rei arsácida, Artabán IV de Partia, y terminó cuando'l postreru Shahanshah sasánida Yazdgerd III (632-651) perdió una enllargada guerra de 14 años contra'l primeru de los califatos islámicos. El territoriu del Imperiu persa sasánida entendía los actuales países d'Irán, Iraq, Armenia, Afganistán y partes del este de Turquía y Siria, amás de parte de Paquistán, el Cáucasu, Asia Central y Arabia. Amás, mientres el gobiernu de Cosroes II (590-628), anexonáronse al imperiu los territorios de los actuales Exiptu, Israel, Xordania, El Líbanu y los Territorios Palestinos, llegando a exercer un "protectoráu" sobre territorios anguaño correspondientes a Omán y Yeme.