Stare Mesto ratuşası
From Wikipedia, the free encyclopedia
Stare Mesto ratuşası (çex. Staroměstská radnice) - Praqanın mərkəzində, Köhnə Şəhər meydanında yerləşən qotik üslublu şəhərin köhnə idarəetmə orqanı və hökumət binasıdır. 1338-ci ildə, kral Lüksemburqlu İoann tərəfindən Stare Mesto şəhər əhalisinə imtiyaz şəklində bu binanın tikintisinə icazə verilmişdi. Kompleks dörd evdən ibarətdir (Volf Kamene evi, xəzçi Mikşanın evi, Xoruz evi və Dəqiqə evi), meydanın ətrafındakı bu binalar Praqa Köhnə Şəhər magistratının ehtiyacları üçün tədricən bir-biri ilə birləşdirilmişdi. Ratuşanın əsas binasında muzey yerləşir, burada müxtəlif sərgilər keçirilir, həmçinin xüsusi zalda təntənə ilə nikah mərasimləri qeyd olunur. Ratuşa fasadının eni 67 metr, qüllənin hündürlüyü isə 69,5 metrdir[1].
Cəld faktlar Ölkə, Şəhər ...
Stare Mesto ratuşası | |
---|---|
çex. Staroměstská radnice | |
50°05′13″ şm. e. 14°25′14″ ş. u. | |
Ölkə | Çexiya |
Şəhər | Praqa |
Sifarişçi | Lüksemburqlu İoann |
Tikilmə tarixi | 1338-ci il |
Üslubu | qotika |
Vəziyyəti | əvvəllər ratuşa; hazırda isə muzey və sərgi zalı |
Rəsmi sayt | prague.eu/staromestskara… |
Çexiyanın milli irsi | |
İstinad nöm. | 1-35 |
Vikianbarda əlaqəli mediafayllar |
Bağla