Voleybol üzrə qadınlararası dünya çempionatı 2014-ün seçmə mərhələsi (Asiya və Okeaniya)
From Wikipedia, the free encyclopedia
Voleybol üzrə qadınlararası dünya çempionatı 2014-ün Asiya və Okeaniya üzrə seçmə mərhələsi — üç qitədən komandaların qatılımı ilə gərçəkləşmişdir. Bunlar Asiya, Avstraliya (Avstraliya) və Okeaniya (Yeni Zelandiya) qitələridir. Ümumilikdə 15 komandanın iştirak etdiyi turnirə Şimali Koreya müəmmalı bir şəkildə qatılmamışdır. Turnirin reqlamentinə əsasən 2014-cü ilin dünya çempionatına vəsiqə qazanmaq üçün ilk öncə reytinqcə aşağı komandalar "regional raund"da mübarizə aparırdılar. Bu mərhələdən növbəti raunda yüksələn komanda daha güclü yeddi komanda ilə birlikdə iki qrupa ayrılmışdılar və həmin 2 qrupda bütün komandalar bir-birləri ilə qarşılaşmışdılar. Sonda hər qrupda ilk iki yeri tutan komandalar İtaliyada keçirilən mundiala Asiya və Okeaniya regionu üçün ayrılan 4 lisenziyaya sahib çıxdılar. Qeyd edək ki, hər bir qrupun oyunları Asiya Voleybol Konfederasiyası tərəfindən qabaqcadan təyin edilmiş şəhərlərdə keçirilirdi.