Azərbaycanda prezident seçkiləri (1992)

Azərbaycanda prezident seçkiləri — 1992-ci il iyunun 7-də Azərbaycan ərazisində baş tutdu. Seçimlərdə beş namizəd mübarizə apardı. Əbülfəz Elçibəy, səslərin 60,90 % topladı və Azərbaycan Prezidenti seçildi.

← 1991   1993 →
Azərbaycanda prezident seçkiləri
7 iyun 1992
Seçici fəallığı	97.60 %
Namizəd	Əbülfəz Elçibəy	Nizami Süleymanov
Partiya	Azərbaycan Xalq Cəbhəsi	Azərbaycan Demokratik Ziyalılar İttifaqı
Səslər	1 829 448 (60.86%)	1 017 217 (33.84%)
Nəticə	Azərbaycan Xalq Cəbhəsinin prezidentliyə namizədi təşkilat sədri Əbülfəz Elçibəy Azərbaycan Respublikasının Prezidenti seçildi.

Seçkidən əvvəl

29 aprel 1992-ci ildə Azərbaycan Xalq Cəbhəsinin qərargahında Azərbaycan Xalq Cəbhəsinin Azərbaycan prezidentliyinə seçkilər üzrə Mərkəzi Seçki Qərargahı mətbuat konfransı keçirmişdir.

Tomas Qoltz namizəd Nizami Süleymanovun seçiləcəyi təqdirdə Heydər Əliyevi Naxçıvandan dəvət edəcəyini və Etibar Məmmədovla birgə müxalifət hökuməti yaradacağını nəql etdiyini açıqlamışdır.^[1]

Nəticələri

1992-ci il iyunun 7-də keçirilmiş seçkilərdə Əliyev Əbülfəz Elçibəy Qədirqulu oğlu Prezident seçilmişdir. Seçici siyahılarına daxil edilmiş seçicilərin ümumi sayınm 76,3 faizi səsvermədə iştirak etmişdir. Lehinə seçicilərin 59,4 faizi səs vermişdir. Əlehinə səs vermişdir: 38,0 faiz.^[2]

Nəticələr

Təmsil etdiyi		Namizəd	Topladığı səs
			Say	%	+/-
	Azərbaycan Xalq Cəbhəsi	Əbülfəz Qədirqulu oğlu Əliyev	1 829 448	60.86%	Yeni
	Azərbaycan Demokratik Ziyalılar İttifaqı	Nizami Süleymanov	1 017 217	33.84%	Yeni
	Bitərəf	Yaqub Cavad oğlu Məmmədov	51 144	1.70%	Yeni
	"Azərbaycan Demokratik İslahatlar Uğrunda" İctimai Birliyi	İlyas Abbas oğlu İsmayılov	20 216	0.67%	Yeni
	Azərbaycan Xalq-Demokrat Qrupu	Rafiq Turabxan oğlu Abdullayev	15 646	0.52%	Yeni
Bütün namizədlərin əleyhinə			72 100	2.40%
Etibarlı səslərin sayı			3 005 770
Etibarsız səslərin sayı			90 707
Ümumi səslərin sayı			3 096 477
Seçicilərin sayı
Seçici aktivliyi: 97,60%
Mənbə:

Etirazlar

Müxtəlif dövrlərdə, sözügedən seçkilər ərəfəsində və sonrasında Azərbaycan Xalq Cəbhəsi funksionerləri tərəfindən verilən bəyanatların fonunda, Azərbaycan Xalq Cəbhəsi lehinə seçki saxtakarlığına yol verildiyinə dair iddialar səsləndirilmişdir.^{[3][4][5][6][7]}