Fərda Amin

Fərda Amin (Fərda Akif oğlu Xudaverdiyev; 12 avqust 1979, Cəbrayıl) — azərbaycanlı aktyor, ssenarist, aparıcı, rejissor və şoumen.

Fərda Amin
Fərda Akif oğlu Xudaverdiyev
Digər adı	Fərda Amin
Doğum tarixi	12 avqust 1979(1979-08-12) (46 yaş)
Doğum yeri	Cəbrayıl, Cəbrayıl rayonu, Azərbaycan SSR, SSRİ
Milliyyəti	Azərbaycanlı
Fəaliyyəti	Aktyor, rejissor, aparıcı, ssenari müəllifi
Fəaliyyət illəri	2003–h.h.
Təhsili	Azərbaycan Dövlət İqtisad Universiteti
IMDb	ID2928952

Həyatı

Fərda Akif oğlu Xudaverdiyev əslən Siyəzən rayonunun Qozağacı kəndindəndir^[1]. O, 1979-cu ildə 12 avqust tarixində Cəbrayıl rayonunda doğulub. İqtisad Universitetində təhsil aldığı dövrdə "Şən və Hazırcavablar Klubu"nda çıxış edib. Müəllifi və aparıcısı Həsən Əliyev olan, "Space TV"-də yayımlanan "Tək səbir" verilişinin iştirakçısı olub. Verilişdə olan gülməli monoloq, videoroliklər insanları çox güldürürdü. Bu verilişin rejissoru Fərda idi. Senarisini isə Elməddin Cəfərovla birlikdə yazırdılar. Ancaq bu verilişin ömrü uzun olmur. Fərda "Tam Sərbəst" verilişini yaradır və bir neçə il sonra "Tam Sərbəst solo" adlı proqramla ekranlara çıxır. Bu veriliş də qısa müddət davam edir. Bir neçə il sonra Müşfiq Şahverdiyev ilə birlikdə 2007-ci ildə "Sərbəst FM" verilişi işıq üzü görür. Həmən il Müşfiq və Fərda "Niyə?" filminə çəkilir. 2014-cü ildən "Top kimi Şou" verilişinin aparıcısıdır. "İnterpapa", "Ögey ata",^[2] "Xoxan", "Naxox", "Niyə?" kimi filmlərdə rol almışdır. "Ögey ata", "İnterpapa", "Niyə?" filmlərinin ssenarisini yazmışdır.

Aktyor 2010-cu ildə Günel adlı xanımla ailə həyatı qurub. Fərda 4 oğul atasıdır.

Aparıcılıq

• "Elə-belə" (Lider TV)
• "Vitamin C" (Lider TV)
• "Tək Səbir" (Space TV)
  
• "Tam Sərbəst" (ATV)
• "Tam sərbəst sollo" (ATV)
• "Sənin üçün" (ATV)
  
• "Sərbəst FM" (ATV)
  
• "Top kimi şou" (ATV)

Filmoqrafiya

1. İz (film, 2002)
2. Toy (film, 2005)
3. İnterpapa (film, 2006)
4. Niyə? (film, 2010)
5. Niyə? 2 (film, 2017)
6. Vərdiş (film, 2006)
7. Ögey ata (film, 2013)
8. Xoxan (film, 2014)
9. Gecə qonağı (film, 2015)
10. Oğlan evi
11. Bakı, Mən Səni Sevirəm (2015)
12. Naxox (film, 2016)
13. Selfinaz Stand Up (tamaşa, 2015)
14. Selfinaz Stand Up 2 (tamaşa, 2017)
15. Qardaşlar (teleserial, 2015)
16. Qız qaçırtma (film, 2017)
17. Pray for Zahra (2017)
18. Aşka gəldik (2015 Türkiyə)
19. Yanlış Anlama (2017 Türkiyə)
20. Niyə? (teleserial, 2018)
21. Qardaşlar (teleserial 2016–2017)
22. Bacanaqlar (teleserial 2018)
23. Ağ tük (2018)
24. Qızqaçırtma 2 (2018)
25. Toydan sonra nağara (2018)
26. Niyə? 3 (2019)
27. Tək çənə Stand Up
28. Komedixana (2020)
29. 5betər (2021)
30. Eltilər (2022–2023)
31. Zarafatyana (2023)
32. Kadrlar şöbəsi (2022)