Kamran Bağırov

Kamran Məmməd oğlu Bağırov (24 yanvar 1933, Şuşa – 25 oktyabr 2000, Bakı) — Azərbaycan Kommunist Partiyası Mərkəzi Komitəsinin 13-cü birinci katibi (1982–1988).

Kamran Bağırov
Azərbaycan Dövlət Sənayedə İşlərin Təhlükəsiz Görülməsinə Nəzarət və Dağ-Mədən Nəzarəti Komitəsinin sədri
9 aprel 1990 – 24 dekabr 1992
Əvvəlki	Fuad Musayev
Sonrakı	Əhmədağa Rəhimov
Azərbaycan Kommunist Partiyası Mərkəzi Komitəsinin birinci katibi
3 dekabr 1982 – 21 may 1988
Əvvəlki	Heydər Əliyev
Sonrakı	Əbdürrəhman Vəzirov
Azərbaycan Kommunist Partiyası Mərkəzi Komitəsinin katibi
20 iyul 1978 – 3 dekabr 1982
Birinci katib	Heydər Əliyev
Azərbaycan Kommunist Partiyası Sumqayıt Şəhər Komitəsinin birinci katibi
1974 – 1978
Əvvəlki	Sabit Abbasəliyev
Sonrakı	Həsən Həsənov
Şəxsi məlumatlar
Doğum tarixi	24 yanvar 1933(1933-01-24)
Doğum yeri	Şuşa, Azərbaycan SSR, ZSFSR, SSRİ
Vəfat tarixi	25 oktyabr 2000(2000-10-25) (67 yaşında)
Vəfat yeri	Bakı, Azərbaycan
Partiya	Sovet İttifaqı Kommunist Partiyası (1961–1991)
Təhsili	Azərbaycan Texniki Universiteti
Fəaliyyəti	siyasətçi
Həyat yoldaşı	Tatyana Alekseyevna Bağırova [1]
Təltifləri

Həyatı

Kamran Bağırov 1933-cü ildə Şuşada doğulub. 1957-ci ildə Azərbaycan Politexnik İnstitutunu bitirib. Sonra Ali Partiya Məktəbində təhsilini davam etdirib. Tikinti sektorunda rəhbər postlarda çalışıb, Nazirlər Sovetində mühüm vəzifəyə irəli çəkilib. Azərbaycan Kommunist Partiyasının Mərkəzi Komitəsində çalışdıqdan sonra kompartiyanın Sumqayıt şəhər partiya komitəsinin birinci katibi vəzifəsinə göndərilib.^[2]

1982–1988-ci illərdə Azərbaycan KP MK-nın birinci katibi olub. Onun ölkəyə rəhbərliyi dövründə Qarabağ münaqişəsi alonlanmağa başlasa da, K.Bağırov bu münaqişənin yaranmasının və böyüməsinin qarşısını ala bilmədiyini özü də etiraf edib. Bağırov vəzifədən getməsi ilə bağlı müraciətində bunları yazıb:

“Dağlıq Qarabağda və Sumqayıtda baş vermiş məlum hadisələrlə əlaqadar etiraf edirəm ki, mən respublikanın partiya təşkilatına rəhbərlik etməyə mənəvi cəhətdən haqqım çatmır. Baş vermiş hadisələrdə öz məsuliyyətimi yaxşı başa düşürəm”

Vəzifədən çıxarıldıqdan sonra ona Moskvada 3 otaqlı mənzil və ittifaq əhəmiyyətli təqaüdçü statusu verildi.^[3] 1990-cı ildə Dövlət Sənayedə İşlərin Təhlükəsiz Görülməsinə Nəzarət Komitəsinə sədr təyin edilir və o, bir müddət bu vəzifədə işləyir.

Kamran Bağırov 25 oktyabr 2000-ci ildə 67 yaşında vəfat edib. İkinci Fəxri Xiyabanda dəfn olunub.

Faiq Bağırzadə onun böyük qardaşıdır.^[4]