Məcid Şamxalov

Məcid Baba oğlu Şamxalov (2 may 1907, Gülablı – 13 oktyabr 1984, Bakı)^[1] — Azərbaycan dramaturqu, 1959-cu ildən Azərbaycan Yazıçılar Birliyinin üzvü, Azərbaycan SSR əməkdar artisti (1949).

Vikipediyada bu soyadlı müxtəlif adamlar haqqında məqalələr var, bax: Şamxalov.

Məcid Şamxalov
Doğum tarixi	2 may 1907(1907-05-02)
Doğum yeri	Gülablı, Azərbaycan
Vəfat tarixi	13 oktyabr 1984(1984-10-13) (77 yaşında)
Vəfat yeri	Bakı, Azərbaycan SSR, SSRİ
Fəaliyyəti	aktyor, dramaturq
Mükafatları	1949

Həyatı

Məcid Şamxalov 1907-ci il mayın 2-də Şuşa qəzasının Gülablı kəndində anadan olmuşdur^[1]. Digər versiyaya görə isə, Cənubi Azərbaycanın Sərab şəhərində doğulmuş, uşaqlıqda valideynləri ilə Ağdama köçmüşdü^[2].

İbtidai təhsilini kənddə almış, 1918-ci ildə ailəliklə köçmüşlər. Burada S. S. Axundovun rus-tatar məktəbini bitirmişdir.

M. F. Axundov adına Dövlət Teatr Texnikumunda təhsil aldıqdan sonra (1924–1926) taleyini milli səhnəyə bağlayır, Azərbaycan Dövlət Akademik Dram Teatrında aktyor işləyir. İlk ədəbi-ictimai fəaliyyəti "Damğa" tənqid-təbliğ teatrında rejissorluğu dövründə kiçik həcmli əsərlər yazması ilə başlanır. Onun ilk əsəri "Mənzər" 1955-ci ildə Azərbaycan Dövlət Nəşriyyatında çap olunmuşdur. Gənc məzhəkəçilərin respublika müsabiqəsində I yeri tutduğuna görə "Qızıl medal"a layiq görülmüşdür. Xidmətlərinə görə SSRİ medalları ilə təltif olunmuşdur.

Məcid Şamxalov 1984-cü il oktyabrın 13-də Bakıda vəfat etmişdir.

Mükafatları

• "Azərbaycan SSR əməkdar artisti" fəxri adı — 21 iyul 1949
• "Əmək igidliyinə görə" medalı — 22 iyul 1949

Əsərləri

• Mənzər (pyes). Bakı: Birləşmiş nəşriyyat, 1957, 16 səh.
• Qayınana (komediya). Bakı: Azərnəşr, 1964, 52 səh.
• Qayınana (komediya). Bakı: Azərnəşr, 1974, 61 səh.
• Qayınana (pyeslər). Bakı: Yazıçı, 1980, 117 səh.

Filmoqrafiya

• Qız qalası əfsanəsi (film, 1923) (tammetrajlı bədii film)
• Lətif (film, 1930) — traktorçu
• Məhəbbət oyunu (film, 1935)
• Bakılılar (film, 1938)
• Qara daşlar (film, 1956)
• Qayınana (film, 1978)

Mənbə

• Azərbaycan Respublikası Mədəniyyət Nazirliyi. C. Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.- səh. 50–53.