Rəmiş

Vikipediyada bu ad-soyadlı digər şəxslər haqqında da məqalələr var; bax: Rafiq Hüseynov.

Rəmiş (əsl adı Rafiq Hüseyn oğlu Hüseynov; 14 noyabr 1944, Gülablı, Ağdam rayonu – 5 aprel 2021, Bakı) — azərbaycanlı elektrogitara ifaçısı, Azərbaycan Respublikasının xalq artisti (2014).^[1]

Rəmiş
Rafiq Hüseyn oğlu Hüseynov
Ümumi məlumatlar
Ləqəbi	Rəmiş
Doğum tarixi	14 noyabr 1944(1944-11-14)
Doğum yeri	Gülablı, Ağdam rayonu, Azərbaycan SSR, SSRİ
Vəfat tarixi	5 aprel 2021(2021-04-05) (76 yaşında)
Vəfat yeri	Bakı, Azərbaycan
Dəfn yeri	Yasamal qəbiristanlığı Ümumşəhər qəbiristanlığı
Musiqiçi məlumatları
Fəaliyyəti	musiqiçi
Janr	muğam
Musiqi aləti	elektrogitara
Mükafatları	2014 2008

Həyatı

Rafiq Hüseynov 14 noyabr 1944-cü ilə Ağdamın Gülablı kəndində doğulmuşdur. İlk musiqi təhsilini Üzeyir Hacıbəyov adına orta ixtisas musiqi məktəbində tar sinfində almışdır.

Üç dəfə ailə həyatı qurmuşdur. Sonuncu həyat yoldaşı Güllü Hüseynovadır.

Rəmiş 5 aprel 2021-ci ildə müalicə aldığı xəstəxanada vəfat etmişdir.^[2] Sənətkar Qurd qapısı qəbiristanlığında dəfn edilib.^[3]

Yaradıcılığı

Rəmiş Qədir Rüstəmovu, Rübabə Muradovanı, Yaqub Məmmədovu, Səxavət Məmmədovu müşayiət etmiş və başqa şəxsiyyətlərlə bir sıra məclislərdə iştirak etmişdir.

Rəmiş həm də tar, piano, qarmon, zərb, ud və s. Azərbaycan xalq çalğı alətlərlərində peşəkar şəkildə ifa edə bilirdi.

Təltif və mükafatları

• 2008-ci ildə Azərbaycan Respublikasının Prezidentinin sərəncamı ilə "əməkdar artist", 2014-cü ildə isə "xalq artisti" fəxri adına layiq görülüb.

Qalereya

• 
  Rəmişin Ümumşəhər qəbiristanlığındakı məzarı