Ruslan Abışov

Ruslan İbrahim oğlu Abışov (10 oktyabr 1987^[1][2][…], Bakı) — "Neftçi" Bakı klubunun və Azərbaycan milli futbol komandasının keçmiş yarımmüdafiəçisidir. "Neftçi Bakı", "Xəzər-Lənkəran" "Rubin Kazan FK", "Qəbələ FK", "Keşlə FK", "Sabah FK" və "Zirə FK" klublarının heyətində çıxış edib. 2011, 2012-ci illərdə Azərbaycan çempionu olub, 2012-ci ildə Azərbaycanda ilin futbolçusu seçilib.

Ruslan Abışov
2011-ci il üçün Azərbaycanın ən yaxşı yarımmüdafiəçisi
Ümumi məlumatlar
Tam adı	Ruslan İbrahim oğlu Abışov
Doğum tarixi	10 oktyabr 1987(1987-10-10)[1][2][…] (37 yaş)
Doğum yeri	Bakı, Azərbaycan SSR, SSRİ
Vətəndaşlığı	Azərbaycan
Boyu	187 sm
Mövqeyi	Yarımmüdafiəçi
Klub haqqında məlumat
Klub	Neftçi
Nömrəsi	15
Karyerası
Gənclik karyerası ????—???? Neftçi Bakı ? (?) Klub karyerası[* 1] 2006—2012 Neftçi Bakı 153 (18) 2012—2013 Xəzər-Lənkəran 15 (2) 2013—h.h. Rubin Kazan 12 (0) 2014—h.h. →  Qəbələ 13 (1) 2015—2016 Qəbələ 31 (5) 2016—2017 İnter 13 (5) 2017— Neftçi 8 (0) Milli yığma[* 2] 2005—2007 Azərbaycan U-19 3 (0) 2007—2009 Azərbaycan U-21 8 (1) 2009—h.h. Azərbaycan 49 (4) 2017 Azərbaycan U-23 5 (1) İslam Həmrəyliyi Oyunları Qızıl 2017 Bakı Komanda
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 15 iyun 2017 tarixində redaktə olunub. Rəsmi oyunlarda milli yığmanın heyətində keçirdiyi oyunların və vurduğu qolların sayı, 15 iyun 2017 tarixində redaktə olunub.
Vikianbarda əlaqəli mediafayllar

Həyatı

Ruslan Abışov Bakıda anadan olub. 6 yaşında Uşaq Gənclər Futbol Məktəbinə üz tutub. Abışovun ilk məşqçisi Əli Məmmədov olub. Ruslan daha sonra İsmayıl Əliyev, İbrahim Dadaşov və Rüstəm Rəhimovun rəhbərliyi altında futbolun sirlərinə yiyələnib. Onun futbolçu kimi püxtələşməsində İslam Kərimovun da böyük rolu olub.^[3] Ruslan Abışov orta təhsilinə paytaxtın 246 saylı məktəbində yiyələnib. Ali təhsilini isə Azərbaycan Dövlət Bədən Tərbiyəsi və İdman Akademiyasında alıb.^[3]

Karyerası

15 yaşında ikən Ruslan Abışov Türkiyəyə yollanıb. 6 ay müddətində Dənizlispor klubunun əvəzedici komandasında çıxış edib, lakin Türkiyə vətəndaşlığına malik olmadığı üçün geri qayıtmaq məcburiyyətində qalıb.^[3] Vətənə qayıdıb 1 il Neftçinin əvəzedici komandasında çıxış edən Ruslan 2006-cı ildən əsas komandaya cəlb olunub və 18 yaşında ilk peşəkar müqaviləsini imzalayıb. Bir neçə dəfə xarici klublara keçidi gündəmə gəlsə də, transferi baş tutmayıb. 2012-ci ildə çoxlarının gözləmədiyi halda Neftçinin əzəli rəqibi Xəzər Lənkəranın heyətinə keçib.^[3] Xəzər-Lənkəranda Ruslan 15 nömrəli formada çıxış edib.^[4] Burada 22 oyunda 2 qol vurub. 2013-cü ilin fevral ayında Rusiyanın Rubin Kazan klubuna transfer olunub. Bu klubla 2.5 illik müqavilə imzalayıb.^[5]

Ruslan Abışov Malta ilə oyunda cərimə zərbəsi yerinə yetirir, 2013

Milli komanda karyerası

Əsas milliyə çağırılmazdan əvvəl Azərbaycanın U-21, U-19, U-17 və U-15 komandalarında forma geymişdir. 2009-cu ilin avqust ayında Finlandiya və Almaniya millisi ilə keçirilən oyunlarda Azərbaycan milli futbol komandasının tərkibində çıxış etmişdir. 2012-ci ildə Futbol üzrə dünya çempionatı 2014-ün seçmə mərhələsində Şimali İrlandiyaya qarşı keçirilən oyunda millinin kapitanı olub.^[6]

Abışov IV İslam Həmrəyliyi oyunlarının çempionu və qızıl medalçısı kimi.

Milli komandada oyunlar

Abışov IV İslam Həmrəyliyi oyunlarının çempionu və qızıl medalçısı kimi.

Mənbə:^[7]
Son yeniləmə:15 noyabr 2013

Azərbaycan milli futbol komandası
İl	Yoldaşlıq		Dünya K.		Dünya K. s/m		Avropa K.		Avropa K. s/m		Başqa		Cəmi
	Oyun	Qol	Oyun	Qol	Oyun	Qol	Oyun	Qol	Oyun	Qol	Oyun	Qol	Oyun	Qol
2009	0	0	0	0	3	0	0	0	0	0	2	1	5	1
2010	6	0	0	0	0	0	0	0	1	0	0	0	7	0
2011	2	0	0	0	0	0	0	0	7	1	0	0	9	1
2012	4	0	0	0	4	1	0	0	0	0	1	0	9	1
2013	3	0	0	0	5	1	0	0	0	0	0	0	8	1
Cəmi	15	0	0	0	12	2	0	0	8	1	3	0	38	4

Milli komandada qollar

Mənbə:^[7]
Son yeniləmə:15 noyabr 2013

Ruslan Abışov: Beynəlxalq qollar

#	Tarix	Yer	Rəqib	Hesab	Nəticə	Yarış
1.	18 noyabr 2009	Tahnun bin Məhəmməd Stadionu, Əl Əin, Birləşmiş Ərəb Əmirlikləri	Çexiya	2–0	2–0	Yoldaşlıq görüşü
2.	29 mart 2011	Kral Baudin Stadionu, Brüssel, Belçika	Belçika	1–1	4–1	UEFA Avropa Kuboku 2012 seçmə mərhələ
3.	7 sentyabr 2012	Tofiq Bəhramov adına Respublika Stadionu, Bakı, Azərbaycan	İsrail	1–1	1–1	Futbol üzrə dünya çempionatı 2014 seçmə mərhələ
4.	7 iyun 2013	Bakcell Arena, Bakı, Azərbaycan	Lüksemburq	1–0	1–1	Futbol üzrə dünya çempionatı 2014 seçmə mərhələ

Uğurları

Ruslan Abışov Azərbaycan Premyer Liqası 2010/2011 mövsümünün ən yaxşı müdafiəçisi seçilib

Klub karyerası

Neftçi Bakı

• Azərbaycan Premyer Liqası
  • Çempion (2): 2010/2011, 2011/2012

Şəxsi uğurları

• Azərbaycanda ilin futbolçusu (1): 2012
• Azərbaycan Premyer Liqası, ən yaxşı yarımmüdafiəçi: 2010/2011^[8]
• Azərbaycan milli futbol komandası, ən yaxşı müdafiəçi: 2012^[9]
• 2017-ci ildə Bakıda keçirilən IV Islam Həmrəyliyi oyunlarının çempionu, qızil medalçısı olub.

Digər fəaliyyətləri

2011-ci ildə Ruslan Abışov müğənni Sevda Yəhyayevanın "Gecdir daha"^[10] mahnısının klipində çəkilib.^[11]

Həmçinin bax