Vasif Süleyman

Vasif Süleyman (Süleymanov Vasif İsgəndər oğlu; 3 yanvar 1965, Dəllər, Şamxor rayonu) — azərbaycanlı şair,^[1] publisist,^[2] Azərbaycan Yazıçılar Birliyinin üzvü (1997), Azərbaycan Jurnalistlər Birliyinin üzvü, "Qızıl qələm" mükafatı laureatı (1996).

Vasif Süleyman
Vasif İsgəndər oğlu Süleyman
Doğum tarixi	3 yanvar 1965(1965-01-03) (60 yaş)
Doğum yeri	Dəllər, Şamxor rayonu, Azərbaycan SSR, SSRİ
Vətəndaşlığı	SSRİ→ Azərbaycan
Təhsili	Bakı Dövlət Universiteti
Fəaliyyəti	şair, publisist
Üzvlüyü	Azərbaycan Yazıçılar Birliyi, Azərbaycan Jurnalistlər Birliyi

Həyatı

Vasif Süleyman 1965-ci il yanvarın 3-də Şəmkir rayonunun Dəllər qəsəbəsində anadan olub. Dəllər qəsəbə orta məktəbini bitirdikdən sonra Bakı Dövlət Universitetinin filologiya fakültəsində təhsil alıb (1991–1996).

"Azərbaycan dəmiryolçusu" qəzetinin redaktoru,^[3] "Ədəbiyyat qəzeti"nin redaksiya heyətinin üzvüdür.

Yaradıcılığı

Ədəbi fəaliyyətə 1980-ci illərdən başlayıb. İlk şeirləri "Pioner" və "Ulduz" jurnallarında dərc edilib.

Şeirin təcnis, qoşma, gəraylı və s. janrlarında yazıb-yaradır.^[4]

Şeirləri Türkiyənin mətbu orqanlarında çap olunub, sözlərinə musiqi bəstələnib.^[5]

Kitabları

1. "Sevgi atılandan sonra başlayır", 1993
2. "Eşq ol, dərgahına səcdəyə gəlim", 2003
3. "Bu, ömürdür mən dediyim, nağıl yox", 2013

Təltif və mükafatları

Publisistika sahəsində uğurlu fəaliyyətinə görə "Qızıl qələm", eləcə də "Şahmar Əkbərzadə" mükafatları alıb.

6 dekabr 1999-cu ildə Heydər Əliyevin sərəncamı ilə Prezident təqaüdünə layiq görülüb.