Voleybol üzrə Azərbaycan Superliqası

Voleybol üzrə qadınlararası Azərbaycan Superliqası 2008-ci ildən etibarən keçirilməyə başlamışdır. Azərbaycan Voleybol Federasiyasının dəstəyi ilə qısa zaman ərzində güclənən Azərbaycan Superliqası hal-hazırda Avropa üzrə ən güclü çempionatlardan biridir.

Voleybol üzrə Azərbaycan Superliqası
Azərbaycan Superliqası 2013-2014
İdman	Voleybol
İlk mövsüm	2008
Klub sayı	6
Ölkə	Azərbaycan
Rəsmi sayt	Azərbaycan Voleybol Federasiyası

Tarixi

Voleybol üzrə qadınlararası Azərbaycan Superliqası 2008-ci ildə Azərbaycan Voleybol Federasiyası tərəfindən təsis edilib. Buna qədər Azərbaycanda yalnız iki peşəkar komanda: Azərreyl və Rabitənin olduğunu nəzərə alsaq, Superliqanın Azərbaycanda keçirilən ilk rəsmi voleybol çempionatı olduğunu demək olar. 2008-ci ildə Superliqada cəmi 4 klub: Buna qədər mövcud olan Azərreyl, Rabitə və 2008-ci ildə yenicə yaranmış klublar İqtisadçı və Lokomotiv mübarizə aparırdılar. Həmin mövsümdə çempionatın qızıl medalları Rabitə Bakı, gümüş medalları Azərreyl, bürünc medalları isə Lokomotiv klubuna çatdı.

2009–2010 mövsümündə yenidən 4 komanda mübarizə aparırdı. Sayca ikinci Azərbaycan çempionatında birincilik yenidən Rabitə Bakı klubuna qismət oldu. İkinci yeri Lokomotiv, üçüncü yeri isə İqtisadçı QVK tutdu.

2010–2011 mövsümü isə çox gərgin alındı. Çempionatın əvvəlində yenicə yaranmış iki klub: Şirvan və Bakı klubları da mübarizəyə qoşuldular. Müvsümün sonunda çempionluq üçüncü dəfə Rabitə Bakı klubuna nəsib oldu. İkinci yeri Azərreyl klubu tutdu. Üçüncü yeri isə İqtisadçı QVK klubu tutdu.

2011–2012 mövsümünə 2011-ci ilin oktyabr ayında start verildi. Buna qədər Superliqada mübarizə aparan 6 komandaya yeni yaranmış daha bir klub Lokomotiv Biləcəri qoşuldu. Bununla da çempionatda mübarizə aparan klubların sayı 7-yə qalxdı. Bundan başqa 2011-ci ildə Şirvan klubunun fəaliyyətini dayandırması açıqlansada daha sonradan Superliqada onun yerini AzərYolServis klubu tutdu. 2012-ci ilin aprel ayında final mərhələsinin oyunları başladı. Sonda Rabitə klubu 21 xalla çempionatı birinci yerdə başa vurdu və ard-arda dördüncü dəfə Azərbaycan çempionu adına layiq görüldü. Lokomotiv və Bakı klublarının ikisi də 12 xal toplasalar da sonda Lokomotiv gümüş, Bakı isə bürünc medallara sahib oldu. Dördüncü yeri 8 xalla İqtisadçı QVK, beşinci yeri isə 7 xalla Azərreyl. 2011–2012 mövsümünün son oyunları 15 aprel tarixində baş tutdu.

2012–2013 mövsümünə 18 oktyabt 2012 tarixində start verildi. Bu mövsüm yenə 7 komanda superliqada mübarizə aparır: Rabitə Bakı, Lokomotiv, İqtisadçı QVK, Azərreyl, Lokomotiv Biləcəri, debütant Telekom və Bakı və Azəryolservis klublarının birləşməsindən yaranan Azəryol Bakı klublarıdı.

İştirakçılar

Klubun adı	Təmsil etdiyi rayon	Superliqada debüt ili
Azərreyl	Bakı	2002
Rabitə	Bakı	2002
Lokomotiv	Bakı	2002
Nəqliyyatçı	Bakı	2005
İqtisadçı QVK	Bakı	2008
Şahdağ-Şirvan	Şirvan	2010
Lokomotiv Biləcəri	Biləcəri	2011
Azəryolservis	Bakı	2011
Bakı-Azəryol	Bakı	2012
Telekom	Bakı	2012

İl üzrə medallar

Mövsüm	Qızıl	Gümüş	Bürünc
2002–2003 Ətraflı	Azərreyl Bakı	Lokomotiv Bakı	Rabitə Bakı
2003–2004 Ətraflı	Azərreyl Bakı	Rabitə Bakı	Lokomotiv Bakı
2004–2005 Ətraflı	Azərreyl Bakı	Rabitə Bakı	Lokomotiv Bakı
2005–2006 Ətraflı	Azərreyl Bakı	Rabitə Bakı	Nəqliyyatçı
2006–2007 Ətraflı	Azərreyl Bakı	Rabitə Bakı	Nəqliyyatçı
2007–2008 Ətraflı	Azərreyl Bakı	Rabitə Bakı	Lokomotiv Bakı
2008–2009 Ətraflı	Rabitə Bakı	Azərreyl Bakı	Lokomotiv Bakı
2009–2010 Ətraflı	Rabitə Bakı	Lokomotiv Bakı	İqtisadçı QVK
2010–2011 Ətraflı	Rabitə Bakı	Azərreyl Bakı	İqtisadçı QVK
2011–2012 Ətraflı	Rabitə Bakı	Lokomotiv Bakı	Bakı-Azəryol
2012–2013 Ətraflı	Rabitə Bakı	İqtisadçı QVK	Azərreyl Bakı
2013–2014 Ətraflı	Rabitə Bakı	Azəryol Bakı	İqtisadçı QVK

Həmçinin bax

• Azərbaycanda voleybol

Xarici keçidlər

• Azərbaycan Voleybol Federasiyası Arxivləşdirilib 2012-01-30 at the Wayback Machine
• Voleybol üzrə Azərbaycan Superliqası 2012–2013 Arxivləşdirilib 2015-10-24 at the Wayback Machine
• 2011–12 müvsümünün nəticələri