Zərdüşt Əlizadə

Əlizadə Zərdüşt Məmməd Mübariz oğlu (2 fevral 1946, Bakı) — Azərbaycan ictimai-siyasi xadimi, publisit, Azərbaycan Sosial Demokrat Partiyasının qurucusu və ilk sədri.

Zərdüşt Əlizadə
Azərbaycan Sosial Demokrat Partiyasının həmsədri
1995 – 2001
Həmsədr	Araz Əlizadə
Əvvəlki	vəzifə təsis edildi
Sonrakı	Ayaz Mütəllibov
Şəxsi məlumatlar
Doğum tarixi	2 fevral 1946(1946-02-02) (79 yaş)
Doğum yeri	Bakı, Azərbaycan SSR, SSRİ
Partiya	Sovet İttifaqı Kommunist Partiyası (1969–1990), Azərbaycan Xalq Cəbhəsi (1988–1989), Azərbaycan Sosial Demokrat Partiyası (1990–2000)
Təhsili	Bakı Dövlət Universiteti
Fəaliyyəti	siyasətçi, jurnalist, şərqşünas, analitik[d]
Atası	Məmməd Mübariz Əlizadə
Vikianbarda əlaqəli mediafayllar

Həyatı

Zərdüşt Əlizadə 2 fevral 1946-cı ildə Bakı şəhərində anadan olub.^[1] O, ata tərəfindən əslən İranın Xamnə şəhərindəndir. Əlizadənin ana tərəfi İçərişəhərin zadəgan nəslindəndir.^[2] 1964-cü ildə 132 №li orta məktəbi, 1969-cu ildə Azərbaycan Dövlət Universitetinin şərqşünaslıq fakültəsinin ərəb dili şöbəsini bitirib.

1969–1971-ci illərdə Misirdə hərbi mütərcim, 1973–1976-cı illərdə Cənubi Yəməndə mütərcim işləmişdir.

1971-ci ildən 1990-cı ilə kimi Azərbaycan EA-nın Şərqşünaslıq İnstitutunun elmi işçisi olmuşdur.

Filologiya elmləri namizədidir.

Siyasi fəaliyyəti

1969–1990-cı illərdə Sov.İKP üzvü olmuşdur. 1988–1990-cı illərdə Azərbaycan Xalq Cəbhəsi üzvü olmuş, 1990-cı ilin yanvar ayının 7-sində istefa vermiş, 1990–2000-ci illərdə Azərbaycan Sosial Demokrat Partiyasının fəallarından olmuşdur.^[3]

İki kitab, yüzlərlə məqalə müəllifidir.

Şəxsi həyatı

Niyal xanımla evlidir, iki oğlu var.^[4]

Məmməd Mübariz Əlizadənin oğlu, Nüşabə Əlizadənin və Araz Əlizadənin qardaşıdır.

Əsərləri

• Ağayev, Rasim; Əlizadə, Zərdüşt. Конец второй республики (rus). Moskva: Граница. 2006. ISBN 5-94691-207-0.