Джордж Вашингтон
From Wikipedia, the free encyclopedia
Джордж Вашингтон (ингл. George Washington; 22 февраль 1732 йыл — 14 декабрь 1799 йыл) — Америка Ҡушма Штаттарының тәүге президенты (1789—1797 йылдар).
Джордж Вашингтон | ||||
George Washington | ||||
| ||||
---|---|---|---|---|
30 апрель 1789 — 4 март 1797 | ||||
Вице-президент: | Джон Адамс | |||
Алдан килеүсе: | вазифа раҫланған Сайрус Гриффин Континенталь конгресс Президенты | |||
Дауамсы: | Джон Адамс | |||
Дине: | Протестантизм, англикан сиркәүе[1][2] | |||
Тыуған: | 22 февраль 1732({{padleft:1732|4|0}}-{{padleft:2|2|0}}-{{padleft:22|2|0}}) Бриджс-Крик, Виргиния, Британия Америкаһы | |||
Үлгән: | 14 декабрь 1799({{padleft:1799|4|0}}-{{padleft:12|2|0}}-{{padleft:14|2|0}}) (67 йәш) Маунт-Вернон, Виргиния, АҠШ | |||
Ерләнгән: | Маунт-Вернон, Виргиния штаты | |||
Династия: | Вашингтоны[d] | |||
Атаһы: | Августин Вашингтон | |||
Әсәһе: | Мария Бол Вашингтон | |||
Ҡатыны: | Марта Дандридж Кастис (кейәүгә сыҡҡас — Вашингтон) | |||
Балалары: | нет | |||
Партия: | беспартийный[d] | |||
Автограф: | ||||
Наградалары: |
Конгресс Алын миҙалы, Конгресстан Рәхмәт хаты | |||
Бөйөк Британияға ҡаршы барған Америка үҙаллылығы өсөн һуғышта (1775 — 1783 йылдар) Континенталь ғәскәр етәксеһе: 1775 йылда Континенталь конгресс Вашингтонды Америка революцион ғәскәре башлығы итеп билдәләй. Бостонды ҡамауҙан алып 1781 йылда британ ғәскәре Йорктаунда еңелеүенә тиклем ул Континенталь ғәскәр башында тора. 1783 йылда, һуғыш тамамланып, Париж килешеүе Ҡушма Штаттарҙың үҙаллылығын танығас, Вашингтон шәхси тормошона әйләнеп ҡайта һәм үҙенең Маунт-Вернондағы өйәҙендә йәшәй башлай.
1787 йылда Филадельфияла үткәрелгән Конституцион йыйылышта Ҡушма Штаттар Конституцияһын төҙөүҙә ҡатнаша. 1789 йылдан ул Ҡушма Штаттарҙың президенты вазифаһын биләй. Ул Британия һәм Франция араһында барған һуғыш арҡаһында икегә бүленгән донъяла ауырлыҡтарға ҡаршы тора алырлыҡ көслә дәүләт булдыдырға тырыша. 1793 йылда нейтраллек иғлан итеүе сит ил бәрелештәренә йәлеп ителмәҫкә мөмкинлек бирә. 1795 йылда Британия менән Джей килешеүе тип исемләнгән килешеү төҙөлөүе ике ил араһында сауҙа үҫешеүенә булышлыҡ итә. Рәсми рәүештә бер фирҡәгә лә кермәһә лә, Вашингтон федералистар фирҡәһе тәҡдим иткән программаларҙы яҡлап сыға. Шулай, был фирҡә тәҡдиме менән милли банк булдырыла, һалып системаһы яйға һалына һәм башҡа финанс мәсьәләләр хәл ителә. Вашгингтондың хушлашыу мөрәжәғәте Американың артабанғы сәйәсәтенә ҙур йоғонто яһай.
Вашингтон 1799 йылда үлеп китә. Уны ерләгән ваҡытта генерал Генри Ли телмәрендә әйтеп үтелеүенсә, Вашингтон «һуғыш ваҡынында — тәүгеләрҙән, солох ваҡытында — тәүгеләрҙән һәм яҡташтарының йөрәгендә — тәүгеләрҙән».