Григорий Григорьевич Зайцев (1910—1982) — совет хәрби етәксеһе, танк ғәскәрҙәре генерал-майоры. 11-се гвардия армияһы командующийының беренсе урынбаҫары, Бөйөк Ватан һуғышында ҡатнашҡан.
| Григорий Григорьевич Зайцев | ||||||||||
| Файл:ZaytsevGG.jpg | ||||||||||
| Тыуған ваҡыты | ||||||||||
|---|---|---|---|---|---|---|---|---|---|---|
| Тыуған урыны |
Орёл (город), Российская империя | |||||||||
| Үлгән ваҡыты | ||||||||||
| Вафат урыны | ||||||||||
| Хеҙмәт иткән урыны | ||||||||||
| Ғәскәр төрө |
танковые войска | |||||||||
| Хеҙмәт итеү йылдары |
1932—1971 | |||||||||
| Хәрби звание |
 | |||||||||
| Командалыҡ итеү |
27-я механизированная дивизия 27-я мотострелковая дивизия 19-я гвардейская механизированная дивизия | |||||||||
| Хәрби алыш/һуғыш | ||||||||||
| Наградалар һәм премиялар |
| |||||||||
Биографияһы
Зайцев Григорий Григорьевич 1910 йылдың 12 ғинуарында Орёл ҡалаһында тыуған.
1932 йылдан алып Эшсе-Крәҫтиән Ҡыҙыл Армияһы сафында, Горький бронетанк мәктәбендә механик-водитель вазифаһында хеҙмәт итә. 1934—1936 йылдарҙа Горький бронетанк мәктәбендә уҡый. 1936 йылдан 1938 йылға тиклем ғәскәрҙәрҙең Приморье төркөмө ғәскәрҙәренең 23-сө механизацияланған бригада составында уҡыу батальоны курсанттарының уҡыу взводы командиры һәм 214-се айырым разведка батальонының рота командиры вазифаһында хеҙмәт итә. 1938 йылдан 1941 йылға тиклем 3-сө айырым танк бригадаһы составында 14-се айырым күнекмә танк батальоны, 214-се һәм 14-се айырым разведка батальондары штабы начальнигы вазифаһында 1-се Айырым Ҡыҙыл Байраҡлы Армия ғәскәрҙәрендә хеҙмәт итә[1][2].
1941 йылдың март-октябрь айҙарында — 58-се танк дивизияһы штабының оператив бүлексәһе начальнигы. Һуғыштың тәүге көндәренән алып ошо дивизия составында Бөйөк Ватан һуғышында ҡатнаша. 1941 йылдың октябренән алып декабренә тиклем — 58-се танк дивизияһының штаб начальнигы, 1941 йылдың декабренән 1942 йылдың апреленә тиклем — 58-се танк дивизияһының 116-сы танк полкы командиры. 1941 йылдың октябрендә 58-се танк дивизияһы Мәскәү алыштарына ебәрелә һәм Көнбайыш фронт составына инә, ҡаланы дошман һөжүменән һаҡлап, Мәскәү өсөн алышта Клин-Солнечногорск оборона операцияһында Клинға инеү урындарында оборона ала.
16 — 17 ноябрҙә соединение 16-сы армияның Волоколамск ҡалаһына һөжүмендә ҡатнаша. 1941 йылдың 21 ноябрендә яуҙа яралана[3][4][5]. 1942 йылдан алып Калинин фронты ғәскәрҙәрендә кадрҙар бүлеге начальнигы вазифаһында хеҙмәт итә, 1942 йылдың июленән сентябренә тиклем — 30-сы армияның Автобронетанк идаралығы штабы начальнигы. 1942 йылдың сентябренән 1943 йылдың июленә тиклем — 30-сы армия ялан идаралығының оператив бүлеге начальнигы ярҙамсыһы. 1943 йылдың июленән 1944 йылдың сентябренә тиклем — Ҡыҙыл Армияның Бронетанк һәм механизацияланған ғәскәрҙәре идаралығы бүлеге начальнигының өлкән ярҙамсыһы[1][2].
1944 йылдан 1947 йылға тиклем РККА-ның И. В. Сталин исемендәге Бронетанк ғәскәрҙәре хәрби академияһында уҡый. 1947 йылдың сентябренән ноябргә тиклем — Мәскәү хәрби округы Бронетанк һәм механизацияланған ғәскәрҙәре штабының хәрби әҙерлек бүлеге начальнигы. 1947 йылдан алып 1949 йылға тиклем — Германиялағы совет ғәскәрҙәре төркөмө составындағы (ГСВГ) составындағы 12-се гвардия танк дивизияһының 48-се гвардия танк полкы командиры. 1951 йылдан 1953 йылға тиклем К. Е. Ворошилов исемендәге Юғары хәрби академияһында уҡый. 1953—1955 йылдарҙа — 13-сө гвардия механизацияланған дивизияһы командиры урынбаҫары. 1955 йылдың сентябренән декабренә тиклем — 39-сы гвардия механизацияланған дивизияһы командиры урынбаҫары[1][2].
1955—1957 йылдарҙа — 38-се армия составындағы 27-се механизацияланған дивизия командиры. 1957 йылдан 1958 йылға тиклем — Германиялағы совет ғәскәрҙәре төркөмө (ГСВГ) составындағы ГВГ составында 27-се мотоуҡсылар дивизияһы командиры. 1958 йылдан 1960 йылға тиклем — 19-сы гвардия механизацияланған дивизияһы командиры. 1960—1962 йылдарҙа — 14-се армия командующийының хәрби әҙерлек буйынса урынбаҫары. 1962 йылдың 19 ғинуарынан 1965 йылдың 24 майына тиклем — Балтик буйы хәрби округы составында 11-се гвардия армияһы командующийының беренсе урынбаҫары. 1965—1971 йылдарҙа Хәрби тыл һәм транспорт академияһында оператив сәнғәттең дөйөм тактикаһы кафедраһы начальнигы вазифаһында педагогик эштә[6][1][2].
1971 йылда запасҡа сыға.
1982 йылдың 19 авгусында Ленинград ҡалаһында вафат була, Серафимовский зыяратында ерләнгән.
Маҡтаулы исемдәре һәм бүләктәре
- ике Ҡыҙыл Байраҡ ордены (07.08.1942, 20.04.1953)
- II дәрәжә Кутузов ордены (18.12.1956)
- ике Ҡыҙыл Йондоҙ ордены (30.04.1947, 26.02.1965)
- «Хәрби хеҙмәттәре өсөн» миҙалы (03.11.1944)
- «Мәскәүҙе обороналаған өсөн» миҙалы (01.05.1944)
- «1941—1945 йылдарҙағы Бөйөк Ватан һуғышында Германияны еңгән өсөн» миҙалы (22.06.1945)
- «Совет Армияһы һәм Флотына 30 йыл» юбилей миҙалы (1948)
- «СССР Ҡораллы Көстәренә 40 йыл» юбилей миҙалы (1958)
- «1941—1945 йылдарҙағы Бөйөк Ватан һуғышында Еңеүгә егерме йыл» юбилей миҙалы (1965)
- «СССР Ҡораллы Көстәренә 50 йыл» юбилей миҙалы (1968)[7][1]
Иҫкәрмәләр
Әҙәбиәт
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
