Ҡайан башняһы
From Wikipedia, the free encyclopedia
From Wikipedia, the free encyclopedia
Ҡайан башняһы (ғәр. برج كيان), төҙөлөү ваҡытына Сикһеҙлек башняһы булараҡ билдәле — Дубай Марина районындағы торлаҡ йорт, Дубай ҡалаһы, Берләшкән Ғәрәп Әмирлектәре. 2013 йылдың 10 июнендә донъяның иң бейек 90° борош бинаһы[2][3], һәм донъяла бейеклеге буйынса һигеҙенсе торлаҡ йорт булып һанала. Бейеклеге буйынса 2015 йылға Азияла 74-се һәм һәм донъяла 94-се булып тора.
Ҡайан башняһы | |
Нигеҙләү датаһы | 2013 |
---|---|
Сәнғәт йүнәлеше | постмодерн архитектураһы[d] |
Дәүләт | Берләшкән Ғәрәп Әмирлектәре |
Административ-территориаль берәмек | Дубай |
Архитектор | Skidmore, Owings and Merrill[d] |
Архитектура стиле | Хай-тек |
Рәсми асылыу датаһы | 10 июнь 2013[1] |
Төп төҙөлөш ойошмаһы | Arabtec[d] |
Төҙөүсе-инженер | Skidmore, Owings and Merrill[d] |
Ҡат һаны | 73 |
Лифт һаны | 8 |
Бейеклеге/буйы | 306,4 метр |
Рәсми сайт | cayan.net/cayantower/ |
Ҡайан башняһы Викимилектә |
Үтә бейек йорттоң бейеклеге 307,3 метр тәшкил итә[4] (башҡа мәғлүмәттәр буйынса — 303,9 м[5]), фундаментының тәрәнлеге — 27 м[6]. 73 ҡат ер өҫтөндә һәм 7 ҡат ер аҫтында, 8 лифт, биш кимәлле 610 автомобиль өсөн ер аҫты парковкаһы, 495 элиталы фатиры бар[7] фатирҙың хаҡы 2 миллиондан алып 3,5 миллионға тиклем дирһәм тора[8], уларҙың 80 % төҙөлөштөң рәсми тамамланыуы мәленә һатыла[6]. Дизайнын Skidmore, Owings & Merrill архитектураl[7] бюроһы башҡара: стеналары нигеҙенән алып ҡыйығына тиклем теүәл 90 градусҡа борола[7], һәр ҡаты алдағыһына ҡарата 1,2 ° боролған[6], бынан тыш бүлмәләр перфоратор менән тишкеләнгән хәрәкәтсән экрандар ярҙамында туранан-тура ҡояш нурҙарынан һаҡланған. Бөтә коммуникациялар төҙөлөштөң «күсәрендә» түңәрәк киҫелештә һәм уның эргәһендә урынлашҡан һәм шуға күрә улар теүәл вертикаль үтә һәм бинаның формаһы уларға йоғонто яһамай [9].
Башня 2006 йылда төҙөлә башлай. 2007 йылдың 7 февралендә яһалма ҡултыҡтағы һыу, төҙөлөш барған ерҙе баҫа, буласаҡ бейек йорттоң нигеҙе һыу аҫтында ҡала. Йөҙләп эшсе[10] 20 метр тәрәнлектәге котловандан ваҡытында эвакуациялана, унда һыу дүрт минут эсендә тула[11]. Ошоноң менән бәйле төҙөлөш йыл ярымға туҡтап тора, тик 2008 йылдың июлендә яңынан башлана. 2013 йылдың 10 июнендә Ҡайан башняһын лазер шоу һәм салют менән оҙатылған асыу тантанаһы үтә[6]. Ошо ваҡыттан Ҡайан, швед Turning Torso бейек бинаһын икенсе урынға ҡалдырып, донъяла иң бейек борош бина була. Асыу тантанаһында бинаның хужаһы Сикһеҙлек башняһынан Ҡайан башняһы тип атауы тураһында иғлан итә, был бейек йортҡа донъяла булмаған үҙенсәлекле исем бирергә теләүен әйтә һәм «Сикһеҙлек» атамаһы менән башнялар донъяла бер нисә тип белдерә[6][12].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.