Балалар китапханаһы

Балалар китапханаһы — балалар өсөн тәғәйенләнгән Өфөлә урынлашҡан китапхана.

Республика балалар китапханаһы
Адресы	Башҡортостан Республикаһы, Өфө ҡалаһы, Менделеев урамы, 203
Нигеҙләнгән	1957
Фонд
Фонд йыйынтығы	китаптар, ваҡытлы матбуғат баҫмалары, аудио‑ һәм видеоматериалдар
Фонд күләме	190 меңдән ашыу һаҡлау берәмеге
Хеҙмәтләндереү
Уҡыусылар һаны	10 меңдән ашыу
Башҡа мәғлүмәт
-
Шаблон: просмотр обсуждение править

Шәһит Хоҙайбирҙин исемендәге үҙәк балалар китапханаһы. Өфө ҡалаһы.

Тарих

1957 йылда 11-се ҡала балалар китапханаһы нигеҙендә Республика балалар китапханаһы булараҡ ойошторола. 1988 йылдан алып Республика китапханаһы филиалы булып тора.

Балалар китапханаһы фондында 190 меңдән ашыу һаҡлау берәмеге, шул иҫәптән 170 мең китап, 3,5 мең аудио‑ һәм видеоматериал; 200‑ҙән ашыу төр ваҡытлы матбуғат баҫмаһы (2010). Фонд балаларҙың йәш үҙенсәлектәрен иҫәпкә алып туплана.

Эшмәкәрлеге

Китапхана дәрестәре, яҙыусылар менән осрашыуҙар, ғаилә менән ял итеү көндәре, түңәрәк өҫтәлдәр, әҙәби иртәлектәр һәм кисәләр, «Мин яңы Башҡортостан гражданы», «Белем донъяһына», «Уҡыусы ғаилә», «Матурлыҡ аша изгелек» тигән маҡсатлы программалар буйынса ролле уйындар, шулай уҡ республика балалар ижады конкурстары һәм наркотиктарға ҡаршы акциялар үткәрә. Йылына 10 меңдән ашыу уҡыусыны хеҙмәтләндерә. Методик һәм библиографик әсбаптар нәшер итә.