Башкиров Василий Николаевич

Башкиров Василий Николаевич (27 февраль 1870 йыл — 1917 йылдан һуң) — Рәсәй империяһы архитекторы.

Башкиров Василий Николаевич
Зат	ир-ат
Гражданлыҡ	Рәсәй империяһы
Тыуған көнө	27 февраль 1870({{padleft:1870|4|0}}-{{padleft:2|2|0}}-{{padleft:27|2|0}})
Тыуған урыны	Вятка губернаһы, Рәсәй империяһы
Вафат булған көнө	29 октябрь 1942({{padleft:1942|4|0}}-{{padleft:10|2|0}}-{{padleft:29|2|0}}) (72 йәш)
Вафат булған урыны	Мәскәү, СССР
Һөнәр төрө	архитектор
Уҡыу йорто	Мәскәү һынлы сәнғәт, архитектура һәм төҙөү сәнғәте училищеһы[d] Юғары сәнғәт училищеһы
Әүҙемлек урыны	Мәскәү
Сәнғәт йүнәлеше	Классицизм, модерн[d] һәм Урыҫ стиле[d]
Башкиров Василий Николаевич Викимилектә

Википедияла Башкиров фамилиялы башҡа кешеләр тураһында мәҡәләләр бар.

Биографияһы

Василий Николаевич Башкиров 1870 йылдың 27 февралендә Вятка губернаһында тыуған. 1893 йылда Мәскәү һынлы сәнғәт, архитектура һәм төҙөү сәнғәте училищеһын, ә 1897 йылда Император художество академияһын «архитектура рәссамы» тигән дәрәжә менән тамамлай. 1896 йылда А. Н.. Померанцев класы буйынса рәссам-архитектор дәрәжәһен алыу өсөн архитектура проектына үткәрелә. Рәссам В. М. Васнецов менән хеҙмәттәшлек итә, уның проекттары буйынса өс ҡаралты төҙөй. 1900 йылдан алып Мәскәү архитетура йәмғиәте ағзаһы. 1904 -1907 йылдарҙа Ҡала тимер юлдарының ток етештереү хеҙмәтендә эшләй. 1917 йылдан һуң архитекторҙың яҙмышы билдәһеҙ.

Төҙөгән биналары

• В. М. Васнецов һүрәттәре буйынса йорт төҙөү (1893—1894, Мәскәү, Васнецов тыҡрығы, 13-сө йорт);
• И. Е. Цветковтың айырым йорто, Б. М. Шнауберт менән берлектә В. М. Васнецов һүрәттәре буйынса (1901, Мәскәү, Пречистенский яр буйы, 29-сы йорт);
• В. М. Васнецов һүрәттәре буйынса Третьяков галереяһы бинаһының фасады. Төҙөлөштө архитектор А. М. Калмыков тормошҡа ашырҙы (1900—1903, Мәскәү, Лаврушин тыҡрығы, 10-сы йорт);
• Иоанн Воин Сиркәү-часовняһы (1902, Мәскәү өлкәһе Пушкин районынындағы Мартьяново ауылы), һаҡланмаған; сиркәүҙең бер диуары яңы сиркәүҙе төҙөүҙә ҡулланылған^[1];
• Пречистенский курстары бинаһы (1905, Мәскәү, Курсовой тыҡрығы, 17-се йорт);
• Ҡала трамвай Үҙәк электр станцияһы (ГЭС-2), (1906, Мәскәү, Болотный яр буйы, 15-се йорт);
• Уҡыу бинаһы (1911, Мәскәү, Оло Саввин тыҡрығы, 10-сы йорт);
• Һөнәрселек музейына төкәтмә, А. Э. Эрихсон менән берлектә (1912, Мәскәү, Леонтьев тыҡрығы, 7-се йорт);
• Торлаҡ йорто (1908—1913, Мәскәү, Беренсе Неопалимов тыҡрығы, 10-сы йорт).
• Аверкиево ауылындағы Троицк ғибәҙәтханаһы (1911—1914, Мәскәү өлкәһе, Павлов-Посад районы). Яңы рус стилендә Мәскәү дворяндары етәксеһе А. Д. Самарин үҙенең ҡатыны Вера Мамонтова-Самарина иҫтәлегенә төҙөгән (В. А. Серовтың «Девочка с персиками» картинаһының персонажы булараҡ билдәле).